Otsailaren 16an izan zen sari banaketa Bilboko Guggenheim museoan. Guztira, bost sari eman ziren.
Hauek dira webgunea sarituak:
- Ofita: enpresa mailako webgune onena. Bulego altzarien sektoreko enpresa da. Webgunea PHP-ean eginda dago, gaztelera hutsean.
- Bizkaimove: instituzio mailako webgune onena. Bizkaiko Diputazioko Herrilan eta Garraio Saileko webgune bat da. Webgunean Flash-a erabiltzen da asko, gazteleraz soilik.
- Kolokon: aisialdi eta zerbitzu mailako webgune onena. Portugaleteko Udalaren Drogamenpekotasun Sailaren webgunea. Webguneak Flash ugari dauzka. Euskarazko eta gaztelerazko bertsioak ditu.
- Alboan: Asoziazio edota webgune pertsonal mailako onena. Gobernuz Kanpoko Erakundea da Alboan. Webguneak gaztelerazko bertsioa du bakarrik.
- Granja familiar internautek gehien bozkatutako webgunea izan da. Horrela, publikoaren saria jaso du. Elorrioko Solozabal Apraiz familiak sortutako webgunea, webcam bidez, baserriko irudiak jasotzen dira. Webgunean ageri diren ASP-a eta PHP-a ez dira Mozilla 1.0. bidez ondo kargatzen. Webguneak euskarazko, gaztelerazko eta ingelesezko bertsioak dauzka. Sustatun izan genuen honen berri.
Horiek dira beraz, El Correo Digitalek edizio honetan saritu dituen webguneak.