Anabasa Interneten, Telefonicak eraginda
Atzo arratsaldea ezkero arazoak izan badituzu Interneten sartzeko, ez larritu: ez da zure arazoa edo zure nabigatzailearena. Telefonicak izan ditu arazoak, Madrilgo lotune batean. Gaur arratsalderako espero dute dena konponduta izatea.
ADSL banda zabala daukaten internauta askok eta askok arazo larriak izan zituzten atzo arratsaldea ezkero sarearekin lotzeko: batzuetan ezin sartu Google bilatzailean, ezta Hotmail posta zerbitzuan ere. Zer esanik ez, webgune asko eta asko iritsi ezinak bihurtu ziren. Gauean ere, ezin ibili Interneten, salbuespen gutxi batzuk salbu.
Kanarietako egunkari honek argitu ditu kontuak gaur: antza denez, horrela jakinarazi dute Telefonicako langileek, atzo arratsalde hasieran, hondatu egin zen Telefonicaren lotune bateko proxy bat, Madril inguruan. Orduan, automatikoki lotunea hasi zen nabigatzaileen eskariak desbideratzen lotune txikiago batzuetara, baina hauek indar nahikorik ez trafiko guztia bideratzeko. Eta orduan sortu zen anabasa, kaosa.
Gaur arratsaldeko 18:30etarako Telefonicak espero du arazoaren %95 konponduta izatea.
Erantzun
Sartu