Hezkuntzaren gaineko jardunaldiak Arratian

Jardunaldien xedea

Eskualdeko ikastetxeetan Hezkuntzaren eta Hizkuntzaren Normalkuntzarako elkarlanean garatu diren esperientziak, Hezkuntza Saila, Udalak, Ikastetxeak eta gizarteko beste eragile batzuekin egindako elkarlana, adierazgarriak dira eta esanguratsuak beste errealitate batzuetara zabaltzeko ere.

Hori dela eta, jardunaldi hauen xedea norabide bikoa da: Batetik, esperientzia horien berri eman eta zabaltzea Euskal Herrian eta nazioartean. Bestetik, Europan gizartearen erronka berriei erantzuteko egindako hainbat esperientzi interesgarri aurkeztea.

Egitaraua

Hiru egunetan izango dira hitzaldi eta aurkezpenak.

• Martxoaren 22an "Europa gara: eskola, ikasle eta herrien arteko elkarlana" izenburupean, beste askoren artean, Meirion Prys Jones, Ludger Mees, Anjel Larrea eta Gaizka Aranguren izango dira hizlari.
• Martxoaren 23an "Europarekin harremanak: hizkuntzak eta informazio eta komunikaziorako teknologiak" izenburupean, honako hizlari hauek egongo dira, besteak beste: Lorea Bilbao, Joseba Makazaga, Clifford Davies, Peli Manterola eta Nigel Hughes.
• Martxoaren 24ko hitzaldiak Euskal Herritik Europara izenburupean emango dira. Hauek izango dira hizlariak, besteak beste: Konrado Mugertza, Kepa Perez Urraza, Jose Luis Madariaga, Julen Arexolaleiba eta Abel Ariznabarreta.

Txostenak ikusteko aukera

Jardunaldiak martxoan izango dira, baina aurkeztuko dituzten txosten batzuk ikusgai daude dagoeneko webgunean.

Izen-ematea

Jardunaldietan parte hartzeko matrikula doanekoa da, baina joatea nahi duzuenok izena eman behar duzue 2004ko otsailaren 27a baino lehen. Hemen dituzue izena emateko argibide guztiak.

Informazio gehiago duzue http://www.herririkherri.com webgunean.