Nafarroaren historia diseinu berri eta erakargarriaz jantzirik

Nabarralde kultur ekimenak Nafarroaren historia irudikatzen duen lana burutu du. Bertan, Nafar Estatuak europar testuinguruan izaniko garabidea hamahiru afitxen bitartez islatzen da. Euskaraz, gaztelaniaz eta frantsesez.

Lanak IX. mendetik oraino luzatzen den nafar historiaren bertze ikuspegia eskaintzen du argazki nahiz irudien laguntzaz, ezinbertzeko egile anitzen testuen gidaritzapean:

Ildefonso Gurrutxaga, Josemari Jimeno Jurio, Anacleto Ortueta, Mariano Arigita, Tomas Urzainki, Mikel Sorauren, Pello J. Monteano, Gabriel Aresti, Pello Esarte, Joanes Etxeberri, J.A. Irigarai, Benito Lertxundi, Agosti Xaho edota Mario Salegi.

Diseinu berri eta erakargarriaz jantzirik, XXI. mendeko nafarrendako.

Ikus-entzunezko Aurkezpen Ekitaldia

• Tokia: Nabarralde egoitza, Kuria karrika, 25 behea. Iruñea
• Data*: urtarrilaren 29a, ortzeguna, 11’30etan
• Harremanetan jartzeko: baieztapena, diseinatzaileekin elkarrizketa: Erlantz Urtasun 902197051, erlantz@nabarralde.com

Nabarralderen webgunea: www.nabarralde.com