Interneteko erosketak %139 hazi dira Espainian

Visa-ren arabera, 58 milioi euro gastatu dituzte espainiarrek sarean Visa txartelarekin egin dituzten erosketetan. 2003ko azken hiruhileko datuak dira horiek eta 2002ko azken hiruhilekoan 24,5 milioi euro gastatu zituzten.

Turismoa onuradun nagusia

Sektoreei dagokienez, turismoaren eta aisiaren sektoreak izan dira onuradun nagusiak, 2003an % 323ko gehikuntza izan dute. Hoteletako erreserbek izan dute hazkunderik handiena, % 454koa, hain zuzen ere.

Lehen baino zerbitzu gehiago orain

Visa EU-ren arabera, geroz eta konfiantza handiagoa hartzen ari da jendea Internet bidez erosketak egiteko. Eta horrez gain, sarean eskaintzen diren zerbitzuak eta produktuak ere gehiago dira orain, duela urtebete baino.