Castelló-ko kontzertua ere kantzelatua
Oraingoan Guardia Zibilak eta Burrianako [Castelló, Herrialde Katalanak] Udaletxeak aurrera eramandako mehatxuek lortu dute Fermin Muguruza Kontrabandak bihar, ostirala hilak 16, bertako El Duende aretoan egin behar zuten kontzertua bertan behera geratzea.
Guardia Zibila
Bart gauean Burrianako Guardia Zibilak eskatua El Duende aretoko jabea koartelera joan behar izan zuen eta bertan eskatu zitzaion kontzertua atzera botatzea ustez istiluak gertatu zitezkelakoan eskuin muturreko talde batzuek konzentrazio bat konbokatu baizuten areto aurrean. El Duende aretoko jabeak ezezkoa esan zien Fermin Muguruzak legearekin arazorik ez zuelakoan oinarrituta eta berak ere dena garbi zuela eta ez zuela emanaldia suspendituko.
Udaletxeak
Gaur, hilak 15, Udaletxetik dei bat jaso ostean aretoko dokumentazioa guztia eraman behar izan du herriko etxera eta bertan alkatetzatik (PP) zuzenean esan zaio, emanaldia bertan behera utzi ezean aretoa itxiko ziotela. Halako mehatxuaren aurrean atzera egin behar izan du eta kontzertua bertan behera geratu da.
Metak diskoetxeak eta Fermin Muguruza Kontrabandak Guardia Zibilaren mehatxuak eta Udalaren xantaiaren ondoko jarrera deitoragarriak salatzen dituzte. Demokraziaren izenean beronen balio funtsezkoenetako bat, adierazpen eta pentsamendu askatasuna, arinki erasotzen den egunotan edozein bide dirudi egoki dutela euren asmoak betetzeko.
Gure amorrua eta mezprezu guztia, baita aurrera egiteko borondate finkoena adierazi nahi dugu eta horrela birak aurrera egingo du larunbatean Gironako Salt herrian.
Fermin Muguruza Kontrabanda, Komunikazioa Tour
Honatx birak proposatzen dituen hurrengo hitzorduak:
- Urtarrilaren 17an Salt (Girona): La Mirona.
- Urtarrilaren 19an St. Joan de Vilatorrada, Cal Gallifa.
- Urtarrilaren 21an Bartzelona: Apolo.
- Urtarrilaren 22an El Morell: Centre Cultural.
- Urtarrilaren 23an Lleida: Cotton Club.
- Urtarrilaren 24an HUESCA: Jai Alai.
Erantzunak
Fermin Muguruzari atxikimendua adierazteko sinadura bilketa hasi dute Madrilgo Ladinamo kolektiboak eta Bartzelonako Altxamendu Zapatistarekiko Elkartasun Kolektiboak, ellokal@pangea.org helbidean.
Batasunak ere Muguruzak eta Berri Txarrak taldeak jasandako "presioak" salatu ditu. SGAE elkarteak berriz ez du ezer esan nahi izan auzi honi buruz. Edonola ere, Fermin Muguruzak birarekin jarraituko du. Bihar (16) Castellon izango da.
Euskal independentisten musika debekatua dago Espainian.
Espainiako faxisten musika, ordea, Euskaltel-ek eskaintzen omen du mugikorrerako jaisteko tonoen eskaintzan: Cara al Sol, Legioaren himnoa, Guardia Zibilarena...
Noticiasdot albistegiak atera zuen hori hemen baina Cybereuskadi-n irakurri dudanez, Euskaltelek kendu egin du jada tonoak jaisteko atala bere gunetik. Hasiera batean, Denboradi batez ez da sail hau erabiltzerik izango. Barkatu eragozpenak oharra jarri zuten. Gero, hori ere ez, atala desagertu da.
Valentzia eta Madrilgo kontzertuak ere bertan behera gelditu ziren antzeko presioengatik:
Atzera ere zentsuratua izan da Fermin