Enkante birtualetan aritzeko aholkuak
Behin baino gehiagotan aritu gara Sustatun Internet bidezko erosketen inguruan. Salerosketen artean enkante birtualak dira arrakasta gehien dutenak eta enkante tokietan seguru aritzeko komenigarria da hainbat aholku jarraitzea.
Enkante birtualak, azoka birtualak edo azoka planetarioak, munduko edozein bazterretako saltzaile eta erosleak toki berean biltzeko tresna egokiak dira. Sareko enkante tokiek amaigabeko produktu-zerrenda eskaintzen dute: bigarren eskuko liburu eta diskoetatik hasita, ardo, harribitxi, automobil, antigoaleko tresna eta hegazkinerako txarteletaraino.
Joan den urtean artikulu interesgarri bat argitaratu zuten Consumer aldizkarian. Hona hemen enkante birtualetan arazorik ez edukitzeko hainbat aholku.
Iruzurra saihesteko aholkuak
Eroslearentzat
- Web gunea ezagutzea eta enkanteen funtzionamendua ongi ulertu.
- Saltzailea identifikatu.
- Enkantean ateratako gauza ondo ezagutu.
- Produktuagatik ordain dezakezun gehieneko kopurua finkatu eta hortik ez mugitu.
- Kolpe bakoitzean, ez egin artikulu bat baino gehiagorengatiko eskaintza, irabazitako guztiak ordaindu beharko ditugu eta.
- Ordaintzeko erak kontuan izan.
- Iragarkiari buruzko informazio osoa jaso.
- Iruzur susmorik izanez gero, web gunea informatu.
Saltzailearendako
- Web gunea eta salmenta-mekanismoa ezagutu.
- Artikuluari buruz ahalik eta informazio gehien eman.
- Eroslearen galderei lehenbailehen erantzun.
- Enkantea itxi bezain laster irabazlearekin harremanetan jarri.
- Dirua jasoz batera merkantzia bidaltzea eta artikuluak hitzarturiko toki eta epean entregatuko direla segurtatu.
Enkante leku batzuk
Erantzun
Sartu