Munduari buelta tandem-ean
Eneko Etxebarrieta gasteiztarra ezagun egin zen duela pare bat urte, lau urtez munduan zehar bizikletaz ibili eta 2002an etxera itzuli zenean. Orain, bigarren proiektua prestatzen ari da eta webgunea jarri du martxan abentura horren berri emateko.
Lehenago bizikletaz munduari bira eman bazion, orain tandem-ean egin nahi du, bere neskalaguna Miyuki-rekin batera. Bost kontinenteetan zehar 100.000 bat kilometro egingo dituzte eta zortzi bat urte emango dituzte bidaian. Proiektu horrekin munduko errealitatea ezagutarazi nahi dute.
Bidaia Interneten
Bidaiaren helburu nagusia da beraien esperientzia eta argazkiak helaraztea jendeari. Horretarako webgune bat sortu dute, www.acercandoelmundo.com. Webgunea komunikazio gune izatea nahi dute eta atariaren bidez edozeinek bidaiaren nondik norakoen berri jakiteko aukera izango du. Bidaia kulturala izango da eta webgunearen bidez gizatasuna, ezagutza, bizipenak, irudiak eta emozioa helarazi nahi dituzte.
Webgunean proiektu berri horren gaineko informazioa dago, baita lehenengo bidaiaren gaineko laburpen bat ere, argazki eta guzti.
Erantzunak
Arrazoi, aurreko bidaia ere jarraitu nion, Roge Blascok domeka gabean daukan programan ere behin baino gehiago elkarrizketatu zuten, eta hala oraingo webgunea askoz dotoreagoa dela ikusi dut.
Aldatu ez den gauza bakarra, Enekoren jarrera. Euskalduna da, eta eskatuz -eta ordainduz- gero hitzaldiak euskaraz emango dituela uste dut, baina begirune gutxi dauka euskaldunekiko, bere proiektua aurkeztean, aurreko bidaiko argazkiak e.a. jartzean, dena gaztelera hutsez zegoen, edo ingelesez zertxobait. Ez dago txarto, badaki hor merkatu handiagoa daukala, eta bere burua euskalduntzat agertzen ei du, hasteko Euskal Herriko itzuli moduko bat egiteko asmoa daukate... tira, ondo ibil daitezela, baina euskaldunokiko jarrera horrekin...
> Eneko Etxebarrieta gasteiztarra ezagun egin zen duela pare bat urte, lau urtez munduan zehar bizikletaz ibili eta 2002an etxera itzuli zenean. Orain, bigarren proiektua prestatzen ari da eta webgunea jarri du martxan abentura horren berri emateko.
> Lehenago bizikletaz munduari bira eman bazion, orain tandem-ean egin nahi du, bere neskalaguna Miyuki-rekin batera. Bost kontinenteetan zehar 100.000 bat kilometro egingo dituzte eta zortzi bat urte emango dituzte bidaian. Proiektu horrekin munduko errealitatea ezagutarazi nahi dute.
>
> Bidaia Interneten
>
> Bidaiaren helburu nagusia da beraien esperientzia eta argazkiak helaraztea jendeari. Horretarako webgune bat sortu dute, www.acercandoelmundo.com. Webgunea komunikazio gune izatea nahi dute eta atariaren bidez edozeinek bidaiaren nondik norakoen berri jakiteko aukera izango du. Bidaia kulturala izango da eta webgunearen bidez gizatasuna, ezagutza, bizipenak, irudiak eta emozioa helarazi nahi dituzte.
>
> Webgunean proiektu berri horren gaineko informazioa dago, baita lehenengo bidaiaren gaineko laburpen bat ere, argazki eta guzti.
Aipatutako webgunean sartu naiz, zuen antzera, eta bat nator zuekin: euskaraz hitzik ez! Hala ere, Enekok nire herriko Kultur etxean emaniko diapo emanaldian izan nintzen, duela ez asko. Kultur etxe honetan, azkeneko bost urteotan, diapoak euskara hutsean eskaini dituen bakarra, "kausalitatea"! Zinez diotsuet, emanaldi paregabea izan zen argazki, testu eta musika ederrak lagun. Ikusi dudan onentsuena!
Lastima gaztelania hutsean aritzen diren bidaiari, mendizale eta abarrek aretoak leporaino betetzea, eta Enekoren antzera euskara hutsean aritzean areto laurdena betetzea. Honen webgunean euskara irakurtzeak poztuko ninduke, baina ez horrek soilik!
Zorionak, Eneko, burututako bidaiagatik eta zorte on!
Enekok, egia esanda, nahi duena egingo du diru truke baina ni neu diapo emanaldia euskaraz entzunda nago eta susmatzen dut ausardia eta adorea sobran izan arren, euskara ez duela behar bezain ondo menderatzen eta ez dela kapaz hiri den hori euskara zuzenean erakusteko gauza.
ZUETATIK NOR DAGO ENEKORI MUSUTRUK LAGUNTZEKO PREST?
Polita dirudi... Baina euskaraz ez dut ezer aurkitu...