Teknologia albisteak
3

Spirit zundak bidali ditu lehen argazkiak Martetik

Erabiltzailearen aurpegia
Dick Turpin
2004-01-05 : 12:01

Atzo goizean iritsi bezain laster, Spirit espazio zunda hasi zen argazkiak bidaltzen Martetik. Eta argazki horiek Interneten daude ikusgai, bereizmen izugarri onarekin.

Aurrez ikusita bezala joan zen dena: atzo goizeko 04:35ean, Spirit espazio zunda pausatu zen Gusev kraterraren gainean, Marten, bat ere arazorik gabe. Berehala, bere barneko elementuak ireki eta lanean hasi zen.

Atzo bertan, Spiritek argazki mordoa bidali zituen, eta NASAk Space.com webgunean utzi zituen ikusgai. Tartean dago panoramika bat, non ikusten baita Spirit robota Gusev kraterraren gainean. Beste bat goitik aterata dago ikuspegi zabaleko kamera batekin. Honek aukera ematen du ikusteko nola dagoen orain Spirit zunda pausatuta.

Kontuan hartuta Marte dagoela Lurretik 170,2 milioi kilometrora, handik bidalitako argazkiek behar izan dute 9 minutu eta 46 segundu hona iristen.

Bidalia luzea

Estatu Batuetako Espazio Agentziak joan den ekainaren 10ean jaurti zuen Spirit zunda Cabo Cañaveraletik. Orain, berriz, zundak hiru hilabete egingo ditu Planeta Gorrian, eta han dagoen bitartean laginak hartuko ditu, jakiteko inoiz urik izan den Marten.

Berez robot bat da Spirit, eta hiru gailu ditu, bereizi egiten dutenak: kamera bat, detektagailu bat eta rover bat, batetik bestera mugitzeko.

Kamera 1,50 metro gora dago, eta nola bi begi dituen, aterako ditu argazkiak gizakiak ikusiko lituzkeen bezala.

Argazki gehiago hemen ikus daitezke.

Erantzunak

l.g.
2004-01-05 : 16:18

Poztekoa da ikustea behingoz gauzak ondo atera zaiela yankiei. Ea gauza diren orain dela gutxi galdutako aparailua aurkitzen. Dena den, bitxia da gaur hori gertatzea eta atzo meteoritorena (Espainian zehar ikusitakoa, alegia). Akaso zeruari lotutako gertaerei zaletzen ari gara?.



Eta meteoritoaren ildoari jarraituz, baliteke errege magoen izar famatua izatea? Gertaeraren data eta zeraman norabidea ikusirik behintzat, baietz pentsa daitekeelakoan nago. Imajina ezazue: behinbetiko froga Errege Magoen benetakotasuna egiaztatzeko Olentzero eta Santa Clausen aurrean.

Dorpe hutsa
2004-01-05 : 20:16

Ba neu oraindino ez dot ulertzen nola demontre atera daben goitiko argazkia: nondik dago helduta kamarea tramankuloaren argazkia oso- osorik ateratzeko moduan?

Jozulin
2004-01-07 : 13:28

Spirit famatua Gusev kraterrean ibiliko da zorua ikertzen eta argazkiak bidaltzen.


Hemen ikusi genuen bezala, Gusev Galdakao kraterraren ondoan dago.


Erantzun

Twitter ikonoa  Facebook ikonoa  Sartu

Publizitatea

Jarraitu sustatu.eus

E-postaz, mezuz mezu:

E-postaz, eguneko buletina:

  • rss ikonoa

»» Aukera gehiago