Gabon garaietako birusak
Maitasun eta zoriontasun mezu ugari jasotzen ditugu Gabon sasoi honetan. Posta elektroniko bidez, ingurukoak zoriondu nahi izaten ditugu. Horretarako, testuaz gain, hainbat artxibo erabiltzen dira; animazio grafiko eta musikalak dituztenak. Baina, "opari" horietan, birusen bat heldu dakiguke.
Posta elektroniko bidez jasotako zorion agurrekin kontuz ibili behar da, birusek eta troianoek eragin ditzaketen kalteak direla eta. Normalena da irudiren bat jasotzea: GIF, JPG edo BMP formatuan. Power Point-ean (PPS/PPT) egindako aurkezpenak ere asko erabiltzen dira.
SWF (flash) edo EXE (fitxategi exekutagarriak) formatuan heltzen zaizkigun zorion agurrekin kontu handia izan behar dugu. Posible da, mezu horiek zizare edo troiano bat (ordenagailua kontrola dezakeen programa) izatea.
Gomendioak
Horregatik, gomendagarria da honako pausu hauek ematea:
- Antibirusa eguneratua izatea.
- Jaso dugun mezua ezagun batena den edo espero genuen norbaitena den ziurtatu.
- Kontuz erantsitako artxiboak daukan luzapenarekin (Bat/Pif/etb.).
- Ez exekutatu artxiboa aurretik antibirus bat pasatu gabe.
Zorionak Sustatu, sustatulari eta sustatuzale!
Palenqueko lagunak
www.palenque.tk