Googlen bilatuenak, urteari errepasoa egiteko
Urtea amaitzear dago eta hasi dira han eta hemen urteko balantzeak egiten. Google bilatzaileak ere egin ohi du urte amaierako balantzea. Oraindik ez du argitaratu, baina Time aldizkariak egin du Googleren bilaketen inguruko laburpen bat.
Googlen bilatuena
Urtarrila: Joe Millionaire. Estatu Batuetako Fox telebista kateko saio arrakastatsuenetarikoa da hori.
Otsaila: NASA. Otsailaren 1ean eztanda egin zuen NASAk aireratutako Columbia espazio ontziak eta zazpi astronauta hil ziren.
Martxoa: Al-Jazeera. Hilabete horretan hasi baitzen Iraken aurkako gerra, edo Time aldizkariak dioen bezala, II. Golkoko Gerra.
Apirila: SARS. Asiako pneumonia atipikoa deitu genion hemen, baina mundu guztian SARS izenez deitzen zioten. Sustatun ere aritu ginen gai honen inguruan.
Maiatza: Matrix. Matrix trilogiaren bigarren filma estreinatu zuten maiatzaren 15ean; Matrix Reloaded.
Ekaina: Harri Potter. Mago gaztearen gaineko liburu berria argitaratu zuten ekainaren 21ean. Ilara handiak egon ziren liburu dendetan Harri Potter-en azkeneko istorioa eskuratzeko.
Uztaila: Tour de France. Jarraipen handia izan zuen Frantziako Tourrak. Lance Amstrong-ek irabazi zuen, berriz ere.
Abuztua: MSBlast. Abuztuan izua sortarazi zuen birus horrek Internet erabiltzaileen artean.
Iraila: Hurricane Isabel. Estatu Batuetako ekialdeko kosta astindu zuen Isabel hurakanak.
Urria: Halloween. Urriaren 31n ospatzen den gau horren inguruko informazioaren bila jo zuen jende gehienak Googlera urrian.
Azaroa: Paris Hilton. Estatu Batuetako aurkezle arrakastatsuenetarikoa da Hilton, eta azaroan bera protagonista zuen pelikula porno bat zabaldu zuten Interneten.
Abendua: Christmas. Gabonak bertan ditugula eta informazio bila erabiltzaile asko joan da Googlera. Eta abenduko bilatuena izateaz gain, urte guztiko bilatuena ere bada hitz hori.
Laster argitaratuko dute Googlen abenduko bilatuenen zerrenda eta urte osoko balantzea helbide honetan: http://www.google.com/press/zeitgeist.html
Time aldizkariko onena eta txarrena
Time aldizkarian ere egin dute urteko onena eta txarrenaren zerrenda. Onenen artean "Lord of the Rings" trilogiako azken pelikula dago. "Urteko pertsonaia" Amerikako soldaduak izendatu ditu aldizkariak.
Erantzun
Sartu