Sustatuzalearen opari zerrenda
Zer da Sustatuzale batek behar duena aurtengo Gabonetarako? Bakea eta askatasuna, bale. Baina hori baino gehiago NAHI dugu eta MEREZI dugu: OPARIAK nahi ditugu. Sustatuko irakurlearen profil tekno-soziologikoa kontuan hartuta, horra ideia batzuk.
Erlojuetan aukera handia dago:
- Aurtengo moda erloju binarioak dira, bai eskumuturrerako (Matrix modeloa) edo mahaigainerako (ideala etxean zorotzat har zaitzaten). Diotenez, minutu batzuetako kontua da ikastea ordu binarioa irakurtzen...
- Sustaturen bidez ezagutu ondoren, Pendrive edo memoria eramangarriaren inbidiatan geratu bazinen, horra USB konexioarekin eta memoriarekin hornitutako modelo praktikoa
- Internet Time edo sareko ordua ematen duen erlojuak ere badaude, Swatch etxearenak. Internet Time delako honen inguruan ere Sustaturen bidez jakin dute gure irakurleek aurten...
Arropa. Mudak oparitzea da izeba guztien errekurtsoa. Baina Sustatuzalea izanda, Abanderado baino gehiago merezi duzu:
- Kamisetetan, hor duzu DVD-en dekodeketa algoritmoa harro erakusteko moduan. Ez bazara programatzailea, kafeinaren formula kimikoa ez dago gaizki Sustatuzale arruntarentzat. Baina dudarik gabe, aurtengo kamiseta cool eta geek-ena, euskal kultur webgune onenarena ( Dantzan.com Buber sariduna) da. Horra, gorri edo beltzean, ze txuloak diren.
- Linux korbatak, pinguinoz beteta.
- Hacker txapelak. Helizeak aukerakoak dira, kendu eta jartzekoak.
Beste fetitxe teknologiko batzuk, pertsonalitatearen arabera pertsonalizatuak:
- Gaueko ordubietan jaiki eta Sustatura konektatu beharra sentitzen dutenentzat, teklatu argiduna. Eneko, hau zuretzako modukoa da.
- Maite diseinatzaileari, ordea, honakoa ekarri diote, telefono klasikoa, baina bira eman gabe dabilena. Berari ideala iruditu zaio. Izan zaitez chic, atzamarra nekatu barik.
- Musikazalearentzat (Iban daukat gogoan), binilo imitazioa egiten duten CD birjinak.
- Ume txikiak ditugunontzat, Lourdesko amaren ordez, ordenagailutxo bat, mesanotxetik gure haurtxoen ametsak zain ditzan.
Oso aberatsentzat:
- Geek kruzeroak: Photoshop-aren maniatikoa zara? topa itzazu zu bezalakoak Karibean zehar kruzero eder batean datorren otsailean!
- Kruzeroan animatu eta Karibera bazoaz, ez ahaztu hondartza garbi haietan erabiltzeko Debian frisbiak eroatea. Hamar dolar dira, baina bi Debian proiektuarentzat zuzenean.
Beste ideiarik bai? Zein gadget edo kapritxo nahi duzue zuek?
Erantzunak
Ez dira aurrekoak bezin originalak izango, baina, tori beste batzuk.
- Espia modura ibili beharrean bazara: teknologia neurri txikian. James Bond Camera
- Lagunari buruko min pixkat eman nahi badiozu, egurrezko puzzleak dira zure aukera. Hemen edo hemen . Edo, bestela, tensegritoy izeneko jolasa.
Eta, erabaki ezinean bazabiltza, badira webguneak laguntzeko prest omen daudenak: www.agiftfinder.co.uk
Niri, ordea, gehien-gehiena txokolatea gustatzen zait
Koloniak ahaztu zaizkizue, pazguatos!
- Yekipé, de Joaquin Cortés Izerdi usaina. Autentikoa.
- L'Or de Torrente by Torrente for women konplejurik gabeko emakumearentzat.
- Eau d'Ete frantsesa egoki ahoskatzeko.
Jolasak ere ahaztu zaizkizue. Mahai-jokoak ezinbestekoak dira eguberrietan. Uste dut aurten
Irakeko karta jokoa dagoela modan. Hemen ehundaka baraja kaxaka saltzen dituzte: http://www.oceansbridge.net/store/customer/home.php?cat=2
Bush-en kontrako kartak ere badaude, gainera: http://www.warprofiteers.com/cards/hearts/index.html
Giristino, katoliko edo antzekoentzako opari harrigarriak helbide honetan
> Edo hau ;-) http://www.librezale.org/foroa/viewtopic.php?t=526
Sustatuko mezua baino ordu erdi binario bat lehenago sareratua! Frikipatia?
> Koloniak ahaztu zaizkizue, pazguatos!
>
> - "Yekipé, de Joaquin Cortés":http://www.luxgallery.it/highlights/dettaglio.asp?ID=456&scelta=profumi Izerdi usaina. Autentikoa.
>
Noiz asmatuko dute feromonez betetako kolonia? Hori bai izango litzatekeela benetako oparia... Nik bat nahi dut...
Zelako modelo dotoriak Dantzan.com-eko portadan kamisetak saltzen. Sartu, eta emon gero orrixa barrizteko botoiari, modeloak aldatzen aldatzen doiaz-eta!
Aupa gure dantzari eta foballistak! (Real Madrid - Eibar kopan)
Nik elurglobo hau aukeratuko nuke. Garai bateko Lourdesko haiek bezala, hemen ere klik egin behar da globoan, eta eragin.