Euskararen inguruko eztabaida foro berria
Gure hizkuntzaren inguruan hitz egin eta eztabaidatzeko sortu den foro berrira gonbidatu nahi ditut sustatuzale guztiok. Interneten gisa honetako foroen hutsunea betetzeko asmoarekin jaio den proiektua da, eta zuen esku dago jadanik.
Asmo pertsonala
Lehenengo eta behin, esan behar da ekimen honek ez duela inolako elkarte edo talderekin zerikusirik, eta sarean honen moduko foro baten beharraz oharturik abiatutako asmo pertsonala dela.
Hainbat bai moldatu daitezkeenak
Momentuz, gai ezberdinak hizpide direla, azpiforo batzuk ezarri dira, baina, hala ere, foroen kategoriak eta azpiforoak erabiltzaileen proposamenak kontuan hartuz aldatu eta moldatu daitezke, proiektuak aurrera egin ahala.
Parte hartzea erraza
Beraz, parte hartu nahi duen edonor ongi etorria izango da txoko berri honetan.
Helbidea oso erraza da: www.euskara.tk
Erantzunak
> Zure asmoaz, ba, oso ondo. Animo, eta zorte on!
Eskerrik asko, benetan.
> Hala ere, jendea parte hartzera bultzatu nahi baduzu, hobe zenuke aurkezpen xeheagoa egitea. Alegia, ez omen da talde baten proiektua, pertsonala baizik. Baina zutaz ez dakigu ezer: "Xabi" sinatzen duzula besterik ez.
Tira, ez dago gauza handirik esateko, egia esan, baina datu pare bat edo emango dut: 24 urte ditut eta euskal filologia ikasi dut. Bestelako jakinminarik duenak itxaron egin beharko du ;-). Dena dela, foroan agertzen den profilean zer edo zer agertzen da.
Foro hau abian jartzeko arrazoia nahiko sinplea izan da: ez dago sarean gure hizkuntzari buruzko honen moduko webgunerik, eta aspaldian nabilenez honetaz hausnartzen, alegia, gauza polita izango litzatekeela halako gauza bat euskaltzaleon esku izatea, bada ausartu egin naiz. Badakit posta-zerrendak eta egon direna (nahiko geldirik aspalditik) , eta Sustatu bera ere hor dagoela, baina zehazki euskaren inguruko gaiez aritzeko lekurik, eta foro modernoen egitura baliatuz, ez dut ezagutzen.
Besterik ez, eskerrik asko arretagatik eta jaizue zuen iritzien zain nagoela.
Proiektu eredugarria iruditzen zait martxan jarri berri duzuna, baina gauzatxo bat: Ez nuke Lycos-en jarriko, propaganda piiiiiloa sartzen duelako. Adibidez eskubialdeko barra horrek niri behintzat traba asko egiten dit. Aholktxo bat besterik ez da, eh...oso ondo bestela. Zorionak! Eta animo!
Hala da, Oier, Lycos-en "zorioneko" iragarki horrek sekulako trabaegiten du, baina ezin izan dut behar diren zerbitzuak eskaintzen dizkidan doako zerbitzaririk; horretan nabil, bila, baina ez dut momentuz ezer topatu. Baten batek ezagutzen du halako iragarkirik sartzen ez duen web zerbitzu hornitzailerik?
Euskararen foroa zerbitzari berrian jarrita dago jaanik (mundurat.net). Zorioneko iragarkiak eta bannerren arrastorik ez, dena ederto dabil.
Ikusi arte
Zure asmoaz, ba, oso ondo. Animo, eta zorte on!
Hala ere, jendea parte hartzera bultzatu nahi baduzu, hobe zenuke aurkezpen xeheagoa egitea. Alegia, ez omen da talde baten proiektua, pertsonala baizik. Baina zutaz ez dakigu ezer: "Xabi" sinatzen duzula besterik ez.