Eroski Taldea Fundazioak 700 errezeta batzen dituen Multimedia gida landu du

Urte osorako

Kontsumitzaileak gidako aginduei egunero-egunero jarraitzeko moduan prestatuta daude menuak, eta, horrela, urte osoan zehar dieta osasungarri eta orekatua —gure desira eta beharrei erantzuten diena— lortzeko aukera izango du.

Nutrizioan adituak direnak behin eta berriz ari dira esan eta esan gizarte garatuetan koipe, haragi, opil eta janari laster gehiegi kontsumitzen dela, eta, aldiz, aukeran gutxiegi jaten direla karbono-hidratoak, bitaminak, zuntzak, barazkiak, zerealak eta frutak.

Hala ere, ordea, gure herritarren % 60k dio "asko saiatzen dela dieta orekatu eta askotarikoa egiten", eta % 33k bakarrik aitortzen du elikadura osasungarriari ez diola garrantzi handirik ematen bere eguneroko bizitzan, Eroski Taldea Fundazioak 5.000 inkestetan oinarrituz egin duen Kontsumo Barometroaren arabera.

700 errezeta

Guztira 700 errezeta dakartza gidak, zailtasunaren, prezioaren, urte-sasoiaren edo osagai nagusiaren arabera ordenatuta:

• Urte oso bateko menuak (gosariak, bazkariak, askariak eta afariak).
• Elikadura-segurtasuneko aholku infografikoak.
• Sukaldaritzako trukuak.
• Galdesorta pertsonalak.
• Kalkulagailuak.
• Urte-sasoiko janariei buruzko informazioa.

Oro har, oso eduki desberdinak jasotzen ditu: testuak, errezetak, menuak, infografikoak, argazkiak, etab. Erabiltzen erraz-errazak, edozein erabiltzailek Multimedia Gidari ahalik eta etekinik handiena atera ahal izateko laguntza erabateko eta grafikoarekin.

CONSUMER Multimedia Gida dagoeneko salgai dago; Publikoarentzako salmenta-prezioa 9,95 eurokoa da:

• Eroski Hipermerkatuetan.
• Aldez aurretik 946 21 14 87 telefonora deituz edo revistaconsumer@eroski.es helbidean mezu elektroniko bat utziz, jasotzean ordaindu daiteke.

Nutrizioan adituak

Multimedia Gida honen edukiak, nutrizioan adituak eta CONSUMER aldizkariko ohiko kolaboratzaileak diren Gema Zudaire eta Maite Yoldi nafarren eta Peio Garcia sukaldari bizkaitarraren lana dira (azken hau ere Consumer.es egunkari elektronikoko kolaboratzailea da).