Sustatu Buber sarietarako finalista
Hasi da dagoeneko azken bozketa euskal webgune hoberenen Buber sarietarako. Bozketa epea abenduaren 2an amaituko da eta hilaren 3an ezagutuko dira irabazleak. Euskalduna Jauregian egingo den ekitaldian izango da sari banaketa, arratsaldeko 18:30etik aurrera.
Zein sari banatuko dira?
- Urteko euskal webgune hoberena.
- Saial bakoitzari dagokion saria: erakundea, norbanakoa, kirola, enpresa, komunikabidea, kultura, euskara eta webgunea.
Zein da saria?
Vicente Arnoriaga euskal eskultoreak eginiko bereziki ekitaldi honetarako egin duen garaikurra jasoko dute irabazleek. Bestalde, kolaboratzaile diren komunikabideetan agerpena izango dute eta Buber sarietarako Internet&Euskadik sortutako webgunean beren presentzia iraunkorra mantenduko da. Interneten euskararen garapenaren alde lanik gehien egin duten webguneen zerrenda dago Sustatu.
Nola bozkatu
Urteko webgune hoberena aukeratu behar da, baita sail bakoitzekoa ere. Antolatzaileak bozketa zuzena egitearen aldekoak dira. Bozkatzaileen posta elektronikoak identifikazio moduan erabiliz, erabilera okerrak ekidingo dituzte: norbaitek bi aldiz bozkatzea, robot batek masiboki botoak ematea
@Euskadiko harpidedun ez direnek ere bozkatzeko aukera dute. Euskadi buletinara harpidetuta ez dagoenak, norbere posta elektronikoarekin bozkatu ahal izateko antolatzaileek balioztapena eman behar dute.
Beraz, posta elektronikoa eman ondoren, mezu bat jasoko bidaliko zaio bozkatu nahi duenari. Eta erantzuna eman ondoren, 48 orduren buruan, bozkatzeko aukera emango zaio. Egin Sustaturen aldeko aukera webgune honetan.
Buber sariak
"Buber" sariei Blas Pedro Uberuaga, Euskadiko lehen webgunearen sortzailearen izenetik datorkie deitura. Uberuaga, Idahora (EE.BB) emigratu zuten euskal artzain batzuren semea zen.
Sari banaketara joateko
Euskalduna Jauregian egingo den ekitaldira joan nahi duenak, bozkatu eta izena eman behar du. Ekitaldian, Interneteko aditu diren hizlariak entzuteko aukera izango da. Amaitzeko, pintxo eta edariak dastatzeko aukera izango da. Ekitaldia Internet&Euskadi Elkarteak antolatu du Euskadi Informazioaren Gizartean Planaren eta EITBren kolaborazioarekin.
Erantzunak
> Bestalde, kolaboratzaile diren komunikabideetan agerpena izango dute eta Buber-en webgunean
Hori ez da Buberren webgunea. Blas Uberuagaren webgunea da Buber.net
Zuek ematen duzuen helbidea da Internet&Euskadi elkarteak sari hauentzat jarri duena.
Ea aklaratzen zareten.
Kulturako webgune sari onenerako dantzan.com dago hautagai. Medio gutxirekin, baina teknologiari errendimendu bikaina ateratzen artista den Code&Syntax enpresaren laguntzarekin, dantza zale talde batek bultzatutako gunea da. Bisitatu dantzan.com eta epaitu zuk zeuk bozkatzea merezi duen.
Egin Sustaturen aldeko aukera "Buber sarien webgunean.":http://buber.interneteuskadi.org/bozketa_eu.php
Horixe zen nire asmoa, sustaturen alde botoa ematea. Ez dakit sariketa honetan zerbait aterako duzuen edo ez, baina Sustatuk merezi du hori eta gehiago ere, zorionak egunero berriak ematen aritzeagatik.
Konturatu naiz horretarako behar dela eman izena --arrobaeuskadi-- horretan eta ez --abilduaeuskadi-- horretan. Saiatuko naiz berriz botoa ematen.
> Arrazoia duzu. Konpondu dugu.
Orain diozue: kolaboratzaile diren komunikabideetan agerpena izango dute eta Buber-en webgunean beren presentzia iraunkorra mantenduko da...
seguru zaudete Buberren gunean agertuko direla sarituak? Buberrek ez du zerikusurik sari hauekin. Agertuko dira Internet&Euskadi inbento horren orrian, eta punto.
/cache/Udako-Ola-2024_1_small_content.jpeg)
Aspertuta nago denda handietako diska sailetan euskera edo musica vasca atalean Imuntzo eta Beloki eta Kashbaden diskoak nahastuta ikusteaz. Badirudi euskaraz musika egiteagatik estilo propio batetan egiten dela.
Berdin gertatzen da literaturarekin, irratiarekin edo edozelako kultur ekitaldirekin. Webguneen Buber sarietan ere berdin, ghetto-a sortu behar izan digute, Interneten euskeraren garapenaren alde lanik gehien egin duten web gunea.
Orain daukagu aukera, egoera honi buelta emateko.
Webguneak euskaraz izateak ez du bere kalitatearekin zerikusirik, eta argi eta garbi gelditzen da Buber sarien zerrendan . Gaztelaniar elebakarrek alde batetara utziko dute euskarazko webgunea, bakarrik euskarazkoa izateagatik.
Deia Interneteko euskaldun guztioi:
Bozka ezazue beti euskararen alde, eta euskarazko webgunerik ez dagoen ataletan, euskarari begirumen gehiago antzematen diogunari.
Herri Urrats edo Nafarroa Oinez-en 100.000 pertsona biltzeko gai bagara, botazio hau ere irabazteko gai izango gara. Banatu mezu hau ahal den zabalen.