PDF dokumentuak Word bihurtzeko
Hemendik aurrera ez da behar izango Adobe Acrobat edukitzea, nahi izanez gero PDF dokumentu bat Wordera itzuli, formatu eta guzti.
Jende askok jasotzen ditu dokumentuak PDF formatuan. Kasurik gehienetan dokumentu horien testua kopia daiteke, ondoren pegatzeko testu prozesagailuan, baina kasu horietan galdu egiten da PDFren formatua: estiloak, zutabeak, grafikoak, etab.
Lehen bazegoen irtenbide bat horretarako, Adobe Acrobat, baina garestia da, 450 dolar. Orain, berriz, ScanSoft etxeak sortu berri du PDF Converter programa, eta honek berdin-berdin egin dezake eragiketa hori alegia, PDF bat Word dokumentu bihurtzea, baina programa bera askoz ere merkeagoa da: 50 dolar.
Microsoftekin uztarturik
Programa berria ireki daiteke beste hainbat programaren barrutik (Explorer, Outlook edo Word). Horrezaz gain, banatu egiten ditu testua, zutabeak, taulak eta grafikoak. Beraz, eskura jartzen dizikizu testua, irudiak eta bestelako datuak.
Berdin da zein programatan egin den PDF originala (Quark, InDesing, Photoshop, FreeHand ), PDF Converter honek ireki egiten ditu denak, nahiz eta badituen bi salbuespen: ez ditu bihurtzen irudiz bakarrik osaturiko PDFak; halaber, ez ditu itzultzen giltzapean dauden PDFak.
Programa hau oso eraginkorra izan daiteke zenbait erabiltzaile eta enpresa txikirentzat, batez ere testua eta irudiak ekarri behar badituzte Internetetik laneko aurkezpenak egiteko.
Erantzunak
> Tresna praktikoa bai. Baina Acrobat doan da, eta Word ordainpekoa.
Noski, Dick Turpin ez zebilen Acrobat Readerri buruz hizketan, Adobe Acrobat-i buruz baizik (eta hori ez da inolaz ere doakoa).
Kontua da PDF fitxategi bat editatu nahi izanez gero, Adobe Acrobat behar izaten dugula. Aldiz, Microsoft Word tresna arruntagoa da gure artean (erosita edo pirateatuta).
Baina Dick Turpinek proposatutako tresna horri esker PDF-ak zuzenean Word-era pasatu eta editatu ahal izango ditugu.
Beraz, abantaila majoa da.
/cache/Udako-Ola-2024_1_small_content.jpeg)
> Hemendik aurrera ez da behar izango Adobe Acrobat edukitzea, nahi izanez gero PDF dokumentu bat Wordera itzuli, formatu eta guzti.
Tresna praktikoa bai. Baina Acrobat doan da, eta Word ordainpekoa.