Elpaís.es, burua jaso ezinik
Orain urtebete, elpais.es egunkari elektronikoak milioi erdi bisitari zituen egunero, ordainpekoa jarri aurretik. Gaur egun 25.000 harpidedun omen ditu, baina zenbaiten ustez, kopuru hori puztuta dago.
Prisa taldeak jakitera eman ditu taldeari buruzko datuak eta, lehenengo aldiz, hor agertzen dira elpaís.es agerkari elektronikoaren gaineko xehetasunak.
Prisak dio egunkari elektronikoak 25.000 harpidedun dituela, nahiz eta ez dituen bereizten horietatik zenbatek ordaintzen duten harpidetza benetan. Izan ere, horren barruan daude harpidetza korporatiboak, promoziozkoak (Digital +eko harpidetzak edo Cinco Días egunkariarekin batera eginiko harpidetza partekatuak) eta ordaintzen ez direnak.
Behar baino harpidedun gutxiago
2002ko azaroan egin zen elpaís.es ordainpekoa. Erabaki haren ondorioz, egunkari elektronikoak irten egin behar izan zuen OJD eta EGM erakundeetatik, ez baitzuen zentzurik audientziak neurtzea, hainbeste irakurle galdu ondoren.
Egunkariko arduradunek esan zuten orduan 2003aren hondarrean izango zituztela 30.000 harpidedun. Horrekin adierazi nahi zuten gai izango zirela irakurleen %6 harpidedun bihurtzeko.
Zenbait adituren ustez, baina, 25.000 harpidedunak benetakoak izanda ere, dezente behetik ibiliko litzateke halakoetan erabiltzen diren kopuruekin alderatuz gero, gomendatzen baita irakurleen %10 harpidedun bihurtzea.
Alexa bilatzailetik atera daitekeenez, elpaís.es egunkariak 240.000 bisitari baino gutxiago ditu egunero, zeinek batezbeste milioi bat orrialdetan egiten duten klik.
Erantzunak
Sekulako amorrua eman zidan EL PAISeko web orrian sartzeko dirua eskatu zutenean, ordutik ez dut sekulan ikusten.
Orain aukera hoberena Googleko News atala da, oraintxu ere gasteleraz dagoana. Zerbitzu honekin ez dute etorkizunik beste egunkari merkantilista hauek.
Ia noiz agertzen den NEWs hoiek euskaraz ere!
"Izorrai" hitza irakurri bezain laister, gogoratu dut Zaragozan bizi izan nintzen tartea. Hango musika-talde batek izen berbera zuen, "Ixo Rai!". Geure Negu Gorrien parekoak ziren Aragoan, gaztedi alternatiboaren ikurra.
Baina bitxiena da bertako hizkuntzaz (aragoieraz), Ixo Rai-ren esangura "bost axola" edo "berdin da" omen dela. Dena dela, hango "aragoarzale" batek esan zidan ez zela euskal mailegu bat.
Google-zalen artean izan dut nik nere burua ere, eta aitortu behar dut egunero erabiltzen dudala ezein bilaketa egiteko. Halere, azken bolada honetan apur bat susmabera nabil bilatzaile famatu honekin, www.google-wathch.com-en aipatzen diren arrazoiengatik.
> azken bolada honetan apur bat susmabera nabil bilatzaile famatu honekin, http://www.google-watch.org/bigbro.html">www.google-wathch.com-en aipatzen diren arrazoiengatik.
Aupa inor animatuko al da laburpentxo bat egiten? Artikuluak oso interesgarria ematen du baina ingelesa menperatzen ez dugunok jai dugu
Google burtsan plazaratu baino lehen, New York Times -en arabera, Microsoft omen dabil Google erosi nahiean.
Gaiari buruz gaztelerazko informazioa, Barrapunto -n eta google.dirson.com -en.
>
> "Alexa":http://www.alexa.com/ bilatzailetik atera daitekeenez, elpaís.es egunkariak 240.000 bisitari baino gutxiago ditu egunero, zeinek batezbeste milioi bat orrialdetan egiten duten klik.
Alexaren trafiko datuak txiste bat dira. Ez dut uste inolako baliorik daukatenik.
Ordenagailua saturatzen gastua eragiten duten milioi bat bisitarik baino, diru gehiago ematen dute ordaintzen duten 25.000 harpidedunek.
Ez dakit El Pais-en kasua zein den, baina ordaindutako edukiek, bereziki ordaindutako eguneroko prentsak, badu tokirik eta etorkizunik Interneten, Euskal Herrian ere bai. Nik horixe pentsatzen dut, behintzat.