Medemen filma eta polemika igandean estreinatzen da atzerrian, Londresen
Igandean estreinatzen da Julio Medem-en filma, Euskal Pilota, Eskua Larruaren Kontra, atzerrian, Londresen, hain zuzen London Film Festival delakoak. Ikusminak eta polemikak, biek jarraitu diote Medemi Londresera.
Bi emanaldi egongo dira Londresen, igandean eta astelehenean. Londresen bazabiltza, sarrerak eskuratzeko, deitu hona: 020-7928 3232. Ingelesez, izenburu honekin doa: Basque Ball: the Skin Against the Stone.
Filmarekin batera, polemika ere iritsi da Londresera. London Film Festival delakoak ez du aurten Espainiako Enbaxadaren laguntzarik Espainiako artistak hara eroateko. Aurreko urte batzuetan, hori subentzionatu omen du enbaxadak, aurten ez, Medemena karteletik ez kentzeagatik, nonbait. Baina enbaxadak eta Pilar del Castillo Espainiako Kultura Ministroak diote ez dela horregatik, aurrekontu arrazoiengatik baizik. Irakurri artikulu bat hemen.
London Film Festival hau, Donostiakoaren aldean, gehixeago dela esan liteke. Ez da txantxetakoa, hara doazenen zuzendarien zerrenda: Jane Campion, Sofia Coppola, Bernardo Bertolucci, Denys Arcand, Alejandro González Iñárritu, John Sayles, Nick Broomfield, Samira Makhmalbaf, Hector Babenco, Lars von Trier, Alexander Sokurov, Robert Benton, Thomas Vinterberg, Christopher Guest, Neil LaBute, Nanni Moretti, Guy Maddin, Takeshi Kitano, André Téchiné, Julio Medem eta Oliver Stone.
Filmearen orria festibalaren gunean, hemen: Jendeak bere kronika edo kritikak uzteko aukerarekin!
Munduan sortzen doan zalapartaren inguruan, artikulu bat The Guardian-en eta duela egun batzuk Reuters agentziak pasatako oharra.
Erantzunak
Gaur, Londresko zinemaldiko gunean, Featured Film gisa editorial bat jaso du Medemen pelikulak; irakurri hemen.
> London Film Festival delakoak ez du aurten Espainiako Enbaxadaren laguntzarik Espainiako artistak hara eroateko.
Ana Palacio Espainiako atzerri ministroak azaldu zuen hau atzo Espainiako Parlamentuan. Dirulaguntzen irizpide nagusia adierazpen-askatasuna da, baina ez dituzte babesten Zuzenbide Estatua errespetatzen ez dituzten lanak eta gainera, kasu honetan, euskal kulturaz mozorrotutakoak ere ez.
Hala kontatzen dute egunkari honetan.;
Medem-en filmak webgune ofiziala dauka,: www.lapelotavasca.net
Erdaraz dago bakarrik, eta flash lartxo, nire gusturako. Foro bat dauka guneak, ohiko polemika politiko sutsuen jokaleku...