Ibarretxe Planaren iragarkia Google-n
Eusko Jaurlaritzak Ibarretxeren plana zabaltzeko eta jakinarazteko, publizitatea erosi du munduko bilatzaile erabilenean, Google-n alegia. "Gobierno Vasco", "Ibarretxe" eta "EAJ-PNV" bezalako hitzak bilatuz gero, http://www.propuestaibarretxe.com/ webgunerako lotura agertzen da kromo publizitario batean.
Google-n AdWords zerbitzua
Google bilatzailean ordaindutako lotura batzuk izaten dira eskubialdean. "Babesleen Estekak" edo "Enlaces Patrocinados" izen azpian ikusiko dituzuen koloreetako lauki edo kromotxo batzuetan. Google-n AdWords zerbitzua da hori. Zerbitzu horren bidez bakoitzak bere iragarkiak egin ditzake; hitz batzuk aukeratu eta norbaitek hitz horien bilaketa egiten duenean iragarki laukitxoa agertuko zaio, webgune baterako loturarekin. Google-n AdWords zerbitzua jende askorengana iristeko modu erraz eta merkea da.
Hitz klabeak
Bilatu Googlen Gobierno Vasco , Ibarretxe , Eusko Jaurlaritza , Propuesta Ibarretxe , EAJ-PNV , Eusko Alkartasuna , Ezker Batua ... hitzak, seguruenik gehiago ere izango dira, eta http://www.propuestaibarretxe.com/ webgunearen lotura agertzen da kromo publizitario horretan.
Euskadiko Erkidegoaren Estatutu Politiko Berriaren Proposamena
Bestalde, hemen duzue Eusko Jaurlaritzak onartu duen Euskadiko Erkidegoaren Estatuto Politikoaren Proposamena, edo Ibarretxe plana. Hau da, Gobernuak 2003ko urriaren 25ean onartutako Euskadiko Erkidegoko Estatuto Politiko berriaren testu artikulatua, Legebiltzarrera eztabaidatzeko bidalia.
Erantzunak
Eusko Jaurlaritza ez da bakarra. PPek eta Maragallek ere Adwords erosi dituzte. Gainera PPek 'simancas' hitza erosi du, ta Maragallek 'pujol' hitza. http://google.dirson.com/noticias.new/0234/
PP-k ere ondo erabiltzen du Google-ek eskeintzen dituen aukerak: Esperanza Aguirre bilatu eta tomaya hor ageri dira babestutako aukera batzuk, Patido Popularrak eta beste batzuk.
Baina, harrigarriena! Euskal grafiarekin Esperanza Agirre idatzi eta bilatu Googlen, eta hori ere patrozinatu dute PP-koek.
Baten batek esan zuen bezala, Ibarratxeren planaren (estatutu proposamenaren) domeinuak izen guztiz erdaldunda dauka: propuestaibarretxe.com.
Ba Eusko Alkartasunak sustatutako beste ekimen honek ere, Subiranotasunaren Aldeko Konferentziak, erdarazko izen biribila: soberanismo.net
Eusko Jaurlaritzaren Estatutu Berrirako proposamena URL berri baten dago, http://www.nuevoestatutodeeuskadi.net
Google-ko iragarkiak helbide hori proposatzen dute orain.
Ondo iruditzen zait Eusko Jaurlaritzak Interneten publizitatea kanpainekin hastea edo behitzat orain arte egin ez dituzten frogak egitea. Nik behintzat argi daukat Interneteko web gune bat bultzatzeko publizitatea merkeena eta eraginkorrena Interneten egiten dena dela.
Gainera orain arte Euskadiko enpresa eta instituzio gehienek ez dute beraien web guneak bultzatzeko Internet erabili. Askotan prentsa idatzian, Telebistan edo irratian web guneen publizitatea egiten da eta publizitate hori jasotzen duten %70 ez da interneteko erabiltzailea.
Baina,... Nori zuzenduta dago publizitate kanpaina hori ? Nori zuzenduta dago Ibarretxeren Plana ? Euskaldunentzat zuzenduta baldin badago,.... Zergatik ez dute euskal web guneetan publizitatea egiten ?
Gainera badirudi euskadi.net eta www.propuestaibarretxe.com web guneak eroriak daudela.
Aitor Lopez de Aberasturi