Teknologia albisteak

Euskadiko Liburutegien Sistema Nazioanalaren I Jardunaldiak

Usoa Agirre - Goiena

2003-10-15 : 10:10

Urriaren 16 eta 17an Euskadiko Liburutegien Sistema Nazioanalaren I Jardunaldiak egingo dira Miramongo Teknologi Elkartegian. Euskal liburutegietako egoeraren ezagutzan sakontzeko eta profesionalen artean esperientzia ezberdinak trukatzeko asmoz antolatu ditu jardunaldiok Artxibozain, Liburuzain eta Dokumentuzainen Euskal Elkarteak (ALDEE).

Hamaika hitzaldi izango dira bi egunetan Miramongo Teknologi Elkartegian, beti ere liburutegiak ardatz hartuta.

Hiru gai multzotan banatu dituzte hitzaldiak:

Liburutegi publikoa, komunitateak beharrezko duen zerbitzua.
Liburutegi publikoen erabiltzaileak: tipologia eta beharrak.
Teknologia berriak eta erabiltzaile zein profesionalengan duten eragina.

Urriaren 16an, goizeko 10etan izango da irekiera ofiziala, eta Pedro Miguel Etxenike fisikariak hartuko du parte irekiera hitzaldian. Egun horretako egitarau osoa duzue Sustatuko egutegian.

Urriaren 17an, hainbat hitzaldi eta eztabaidaren ondoren, konklusioen txanda izango da.

Batzorde zientifikoa

Arantza Arzamendi, Eusko Jaurlaritzako Kultura Ondarearen zuzendaria.

Carmen Bilbao, Koldo Mitxelena Kulturuneko Liburutegia.
Teresa Castro, Gasteizko Ignacio Aldekoa Kultur Etxea.
Clotilde Olaran, Bizkaiko Foru Liburutegia.
Fernando Juárez, Muskizko Udal Liburutegia.
Feli Sanz, Bilboko Udal Liburutegien Sarea.
Susana Soto, Donostiako Udal Liburutegien Sarea.

Batzorde antolatzailea

Francisca Pulgar (Liburutegi Zerbitzua)

Patxi Etxeberria (ALDEE)
Esther Casas (ALDEE)

Itzulpena

Aldibereko itzulpen-zerbitzua izango da.

Txartel-banatze eta dokumentazioa

Antolakuntzak informaziorako erakusmahaia ezarriko du Kongresuen Jauregiko hall-ean. Bertan, parte-hartzaileei dokumentazioa eta txartelak banatuko zaizkie.