Osasungoa Euskalduntzeko Erakundea hizkuntza sustatuz

Besteak beste, honako ekintzak dira OEE elkarteak une honetan esku artean dituenak:

• Osasun Jardunaldiak: urtero antolatu dira 1991tik aurrera. Orain artekoak Bizkaian, Gipuzkoan, Araban eta Nafarroan izan dira eta urtero argitaratu da jardunaldietako hitzaldi, mahai-inguru eta komunikazioen laburpenak biltzen zituen liburua. Gaiak: minbizia, neurozientziak, eritasun infekziosoak, genetika, eta abar izan dira.
• Saio klinikoak euskaraz ospitaleetan.
• Diru-laguntzak ikasleentzat: UEUko osasun-arloko ikastaroetarako.
• Jose Antonio Agote saria, osasun-arloko testuen argitalpena bultzatzeko.
• OEE elkarteak harremana du hainbat erakunderekin, osasun-arloko euskararen normalizazioko arazoetan iritzi edo aholkua emateko. Hainbat bazkide aritu dira eta ari dira arlo honetako lanetan: testugintzan, terminologian, hiztegigintzan…

Erakundearen helburuak:

Erakundearen helburu bezala ezartzen da gizartea euskalduntzeko prozesuan parte hartzea, Euskal Osasungoaren ikuspegitik. Helburu hori lortzeko, erakundeak ondorengo jarduerak burutuko ditu:

• Euskararen erabilera sustatzea, bai irakaskuntzan eta etorkizuneko profesionalen heziketan, eta baita laneko zentroetan eta tokietan ere, jarduera sanitarioari dagokionez.
• Euskararen erabilera bultzatu eta indartzea, Medikuntzako profesionalak eraginkortasunaren bidetik beren eguneroko ihardunean euskara erabiltzeko duten beharrizanaz jabetu daitezen.
• Euskaraz idatzitako Medikuntza eta Osasunari buruzko aldizkari eta argitalpen sorrera sustatzea.
• Hitzaldiak eta aipaturiko helburu eta jarduerei dagozkien bestelako ekitaldiak antolatzea.
• Era guztietako erakunde, elkarte, entitate edo partikularrekin lankidetzan aritzea, bere helburuak lortzeko eta azaldutako jarduerak burutzeko.

www.oeegunea.org