E-Business II. Kongresua Bilbon: "Lehiakor izateko"
Bilboko Euskalduna Jauregiak urriaren 22 eta 23an E-Business Global Conference Kongresuaren II. edizioa hartuko du. "Lehiakor izateko" izango da lema. Kongresu honen helburua Internetek negozioetan dituen aplikazio ezberdinei buruzko praktika eta ezagutzen trukaketa errazteko topaleku bihurtzea da.
Irekiera ekitaldia urriaren 22an izango da goizeko 9:30ean. Juan Jose Ibarretxe Lehendakaria, Josu Jon Imaz Industria Sailburua eta Jose Luis Larrea Informazioko Teknologien Espainiako Enpresa Elkarteko (SEDISI) presidente-ordea izango dira bertan.
Kevin Kelly gonbidatuetako bat
Kongresuan izango dira, besteak beste, Kevin Kelly, Internet eta e-business arloetan nazioarteko guru nagusia eta Wireden Bazkide fundatzailea; eta makina erremintan Europako liderra den Rothenberger Alemaniako enpresa.
Bi mahainguru izango dira:
- Internetek Futbol Klubei ematen dizkien aukerei buruzkoa izango da lehenengoa: mahainguruan parte hartuko dute Bilboko Athletic Klubak, Bartzelonako Futbol Klubak, Real Madrilek eta Errealak.
- Sareak aisiako sektoreari egiten dizkion mesedeei buruzkoa izango da bigarrena.
Informazioko Teknologien Espainiako Enpresa Elkarteak (Sedisi), Industriaren Sustapen eta Birmoldaketarako Elkarteak (SPRI) eta PMPk antolatu eta sustatzen dute topaketa.
kongresuaren webgunea: ebgconference.com
Erantzun
Sartu