Interneteko txat gelak itxiko ditu Microsoftek
Microsoftek bere txat guztiak itxiko ditu spam-arekin amaitzeko eta pornografikoak izan daitezkeen edukiak saihesteko asmoz. Munduko hogeita zortzi herrialdetan itxiko ditu bere txat gelak, baina AEBetan, Kanadan eta Japonian zabalik geldituko dira.
Hiru herrialde horietan moderatzaile bat jarriko dute txat bakoitzean spam edo pornografikoa izan daitekeenari bidea ixteko.
Microsoften arduradunek diotenez, "txat libre eta moderatu gabea ez da ona, spam-a eta lizunkeria zabaltzen dutenei babesa ematen baitio".
Irtenbidea: Microsoften Messenger-a
Urriaren 14tik aurrera, Microsoftek Europan, Asian, Afrikan eta Latinamerikan dituen foroak itxiko ditu, eta mezu baten bidez, aste honetan emango diete itxieraren berri erabiltzaileei. Txat horien erabiltzaileek beste alternatibaren bat bilatu beharko dute. Oraingoz, Microsoftek eman du bere konponbidea; on-line txateatzeko Microsoften Messenger-a erabiltzea. Microsofteko arduradunek garbi esan dute neurri horrekin beraien Messenger zerbitzua indartu nahi dutela.
Erabaki horrek eztabaida sortu du adierazpen askatasunaren aldekoen, haurren babeserako taldeen eta Microsoften aurkarien artean. Oraindik ikusteko dago zer gertatuko den.
Albiste honi buruzko informazio gehiago duzue hemen: www.thestar.com
Erantzunak
Albiste honek arrazoi bat gehiago ematen digu atzo aipatzen genuen Jabber sarea erabiltzen hasteko.
Gari
Ba Europa Press-en arabera Bill Gates-ek horretaz ez daki ezer .
Egun hauetan Bill Afrikan dago, Afrika salbatu nahiean , etxera bueltatzen denean aztertuko du gaia.
> Microsoftek bere txat guztiak itxiko ditu
Interneteko pedofilia eta spamaren soluzioa hain erraza al da Microsoftentzat? Zer zerikusi dute beraien txatek spam eta pedofiliarekin?
Adibide gisa, pedofilo nahiz spam sortzaileek telefonoak erabiliko dituzte, noski. Baina horregatik, telefono konpainiek beraien zerbitzua eteten al dute? Argi eta garbi geratzen da Microsoftek xede ekonomiko bat bakarrik duela.
Okerrena gainera, komunikabideetan (telebista gehienbat) egiten den enfokea da: Microsoften Txatak dira bakarrak eta soluzioa beraiek dute.
Badirudi Microsoftek bere txat horietako erabiltzaileak iruzurtu nai dituela eta Messengerra erabiltzera erdibehartu (seguruagoak direlakoan edo).
barrapunto.com-en irakurritako adierazpen interesgarri bat atxikitzen dizuet hemen behean:
"Curiosamente los chats se cierran el mismo día que las antiguas versiones del Messenger dejarán de funcionar, y también el mismo día desde el que se exigirá un pago a las empresas que hagan clones del Messenger.
Por eso creo que todo esto no es más que una maniobra para monopolizar los chats con su Messenger. Hace tiempo cerraron sus servidores de irc normales, irc.msn.com, para llevarse a los usuarios a sus webchats. Ahora cierran los webchats para llevárselos al Messenger, al mismo tiempo que restringen los clones para cargarse a la competencia."
Gauza bera pentsatu dut nik ere, albistea irakurtzerakoan. Izan ere, baliteke etorkizunean Microsoft-ek Messenger zerbitzuagatik dirua kobratzea.
Jabber bezalako sistema malgu eta libreak behar ditugu. Inoren kontrolpean ez egoteaz aparte, guztiz irekiak dira Messenger ez bezala.
Jabberrekin askoz hobeto!
Zer lortu nahi du Microsoft etxeak guzti honekin? Zer lortu nahiko du ba... bere interes ekonomikoa!
Ikus ezazue Gara-n agertzen den artikulu hau