google.es sarean dago. Euskara aukeratu daiteke nabigatzeko
Google.es estreinatu da, eta webgunea zabaltzeaz bat, gaztelaniaz azaldu arren, euskararen aukera ere bista-bistan dago. Ez euskara bakarrik. Horrela agertzen da: "Google.es ofrecido en: Català Galego y Euskara"
Google.es estreinatu da gaur .es moduan. Nabigatzailearen hizkuntza euskaraz daukagunok aspalditik gabiltza google euskaraz erabiltzen, baina askorendako izango da lehenengo aldiz ikusten dutena. Nabigatzailea euskaraz kanpaina egin genuen Sustatun. Seguruenik Sustatuzale askok izango duzue euskara lehenetsita eta google euskaraz erabiltzen egongo zarete aspalditik.
Egia esan, eskertzen da baietz lehenengoan edo Google bilaketa modukoak irakurtzea. Orain, google.com edo google.es sartu, beti zabaltzen zait euskaraz google.
Konexioa nondik egiten dugun igartzen du googlek
Nonbait konexioa nondik den ere igartzen du ze http://www.google.com klikatuta, hemen ingurukoak Google.es horretara desbideratzen ditu. Pentsatzen dut zuei ere gauza bera gertatuko zaizuela. Egin proba.
Googlek badauka publizitatea egiteko sistema kurioso bat, zerbait bilatu eta eskuma aldean propaganda aurkezten duena. Publizitate hori kontratatzerakoan (nik egin izan dut proba) esaten dute %99an ongi detektatzen dutela erabiltzailearen herrialdea. Beraz, hori aplikatzearekin nahikoa dute. Horrela jakingo dute, seguruenik nondik konektatzen ari garen.
Googlek Madrilen jarri du bulegoa
Hau lotuta egon daiteke, Googlek Madrilen bulegoa jartzearekin. Hilaren 16an dago erregistratua google.es David C. Drummond, Google-ko lehendakari-ordearen izenean. Google Spain S.L. konpainiako administraria da Drummond.
Erantzunak
Hau badago
http://www.google.fr/intl/eu/
aukeran.
Liburu marketan sartu beharko.
Sergei Brin eta Larry Page Google-ren fundatzaileak Madrilera doaz gaur Google.es inauguratzen.
El Mundok dio, beren txat edo encuentro digital batean egongo direla ElMundo.es-en internautekin kontaktuan, gaur eguerdiko 13.45etatik aurrera, hemen.
Badago modua Google euskaraz kontsultatzeko betiko helbidetik:
www.google.com -en orrialdean hizkuntza aldatzen badugu besterik gabe.
Hori bai, aurretik esandakoa, nondikan datorren kontsulta detektatzen dute, eta beheko partean www.google.es-era jotzeko aukera edukiko dugu.
El Mundoko Txat horrek ez du askorako eman.
- Laster egongo dela Google News gaztelaniaz, alemanez edo frantsesez jada badagoen bezala (Beta bertsioa bada ere).
- Madrilgo bulegoa komertziala izango dela soilik. Garapen alor osoa Kalifornian dute, Silicon Valleyn.
egin http://www.google.com/intl/eu/ zeure hasiera orria eta ez zaizu ez espainia ez frantzia agertuko.
eta mikronesiakoa izan nahiago baduzu ipini beste hasiera orri hau: http://www.google.fm/intl/eu/ :D
Ni ere erabiltzaile euskalduna nauzu, eta pozik bilatzen nituen nire gauzak euskaraz. Oso pozik klikatzen nuen google.com.
Hara non ezustekoa gaurkoa, googlera jo, eta Google España horretan derrigorrean sartu nautenean... hain da demokratikoa Espainia, euskara ere aukeran daukadala.
Eta zer? Orain google Espainiara jo behar dugu euskaraz bilatzeko? Ni ez nago prest.
Google-en euskaraketan parte hartu genuenok, beste zerbait egin beharko dugu.
Librezale.org gunean ere aurki irekiko da eztabaida hori.
Eta zuk zer diozu?
Egingo al dugu zerbait? Gure protesta entzuna izan dadin bederen....
google.EZ