Euskarak atzera egin du Interneten
Euskara 40.a da, Interneten gehien erabiltzen diren hizkuntzen artean. Orain hiru urte baino atzerago, orduan 31.a baitzen. Horixe dio behintzat Softcatalá elkarteak.
2000garren urtean 36.321 orrialde zeuden argitaratuta euskaraz Interneten, sarean zeuden orrialde guztien %0,01. Horrela argitaratu zuen orduan Vilaweb albistariak. Uda honetan, berriz, Softcatalá elkarteak eguneratu egin ditu datuok. Honen arabera, euskara da 40.a sailkapen berrian, 154.709 orrirekin.
Inguruko hizkuntzen artetik, euskarak aurretik ditu frantsesa (3.a), gaztelania (5.a), katalana (23.a) eta galiziera (39.a). Atzetik, berriz, galesa (43.a) eta frisiera (45.a), besteak beste.
Hizkuntzarik erabilienak
Jordi Mas-ek, berak egin baitu ikerketa lan hau aurtengo abuztuan, Alltheweb bilatzailea erabili du kontuak ateratzeko, haren hitzetan, bilatzaile hau fidagarriagoa delako beste zenbait baino, denetariko hizkuntzak bilatzeko.
Ikerketa honen arabera, gaur egun hizkuntza hauek erabiltzen dira gehien sarean:
- Ingelesa
- Alemana
- Frantsesa
- Japoniera
- Gaztelania
- Txinera
- Korearra
- Errusiera
- Italiera
- Nederlandera
Erantzun
Sartu