Euskarazko kafe antzerki lanak egiteko beka

Beka bakarra emanen da aurten, 2.000 eurokoa. Euskal sortzaileei bultzada ematea eta gure herrietan formato ttikiko lanak taularatzea dira beka honen xedeak. euskaraz sortutako proiektuak lagunduko dira, inon argitaratuak edo plazaratuak izan ez direnak eta bertze bekarik edota saririk jaso ez dutenak. Bertze lanen baten itzulpenak edota moldaketak onartuko dira.

Egileen curriculumarekin batera, proiektuaren ezaugarri nagusiak bilduko dituen txostena aurkeztu beharko da: egitura, luzera, estiloa, baldintza teknikoak, gidoia, helburua, baita egileei aipagarriak iruditzen zaizkion bertzelako ezaugarriak ere. Ez da beharrezkoa gidoiaren testu osoa entregatzea, nahikoa da 4 orrialdeko lagin batekin.

Txostenak 2004ko urtarrilaren 30 baino lehen aukeztu beharko dira Bortzirietako Euskara Mankomunitatean, Arantzako Herriko Etxean. Lan saritua 2004ko udazkenean aurkeztu beharko da jendearen aitzinean, eta irabazleak Berako eta Etxalarko Kultur Etxeak erabili ahal izanen ditu prestakizunetarako.

Oinarriak osorik jaso nahi izanez gero, zein informazio gehiago eskuratzeko, Bortzirietako Euskara Mankomunidadera jo daiteke, 948634125 telefonoan, edota bortziriak@euskalnet.net helbidean.