Fermin Muguruzari ahotsa kendu nahian
Terrorismoaren Biktimen Taldeak eskua sartu eta bertan behera utzi dute Fermin Muguruzak eta Manu Chaok Malagan Alberto Martin Carpena (ETAk hildako PPko kontzejala) kiroldegian eman behar zuten kontzertua. Hildakoaren duintasuna urratzen omen du.
Horren atzetik, Murtziakoa ere bertan behera uztea erabaki dute, Udalaren aretoetan Batasunako kide batek ezin omen du eta musika jo.
Sutilki lortu dute, beste behin ere, euskal musikarien ahotsa bozgorailuetatik kanpo uztea. Su ta gar, edo Soziedad Alkoholikarekin gertatu zen bezala. Demokrazia eta Adierazpen askatasunaren izenean.
Bartzelonako kontzertua egin egingo dute Fermin Muguruzak eta Manu Chaok. Azken honek ez du onartu Muguruza gabe kontzertua ematea, Malaga eta Murtziako antolatzaileek nahi zuten bezala. Bejondeiola.
Erantzunak
Nik irakurri dudanaren arabera Malagako kontzertua ez da bertan bera geratu, baizik eta eskenatoki horretan jotzea debekatu zaie. Beste leku baten bila dabiltzate, antza.
Badakit Euskal Herriaren aurkako sakonagoa den estrategia batean barnesartzen direla gertakariok. Hala ere, onartu beharko genuke Martin Carpena aukeratu zuen promotorea ez zela oso fin ibili... edo ahaz dezake biktima batek iraganean Negu Gorriaken hainbat kontzertutan ikusi genituen gehiegikeria 'para-politikoak'?
Metak disketxeak agiria kaleratu du, eta horrela dio hitzez hitz:
Gezurra edo egi osoa ez, pozoia, manipulazioren bat, laidoak, egia ezkutatzen duten lerroak eta tarteka beste laidoren bat. Horretatik asko atera dezakegu iragan astelehenean, irailak 1, El Mundo egunkariak bere 14.orrialdean argitaratutakoan, [esate baterako ez al da kontuan hartu behar Auzitegi Gorenak Esan Ozenki eta Negu Gorriak Galindorekin zuten auzia diskoetxe eta taldearen aldekoa iriztea?] Terrorismoaren Biktimen Elkarteak hasi eta El Mundo eta beste komunikabide batzuk haizaturiko perla honen atzean, zeina Fermin Muguruza eta Manu Chao zipriztindu dituen gehien baina 15 pertsonako talde baten kontzertu bi bertan behera utzi dituen, pentsamendu eta adierazpen askatasuna eta ezberdintasun kulturalaren aurkako eraso bortitzaren forma hartzen duen ekintza sobera kalkulatua dugu, aurrekariak izan dituena iragan hurbilean eta aldez aurretik Fermin bera kolpatu duena Negu Gorriak taldeko garaietan edota Dub Manifest taldearekin Jerezen eta Tarragonan.
Metak diskoetxeak erabateko elkartasuna adierazten die eta aipatu musikari taldea bezain kolpatua sentitzen da eta bere eskubideak hauenak bezain urratuak ikusten ditu. Min emozionalaz ez gara mintzatu, eta izan bada.
Negu Gorriaken hainbat kontzertutan ikusi genituen gehiegikeria 'para-politikoak'?
Mesedez ni Negu Gorriaken makina bat kontzertutan izandakoa naiz eta gustatuko litzaidake argitzea non ikusi dituzun gehiegikeria para-politiko horiek. edo agian termino horren definizio bat emango bazenidan eskertuko nizuke. Zeren horrela irakurrita espainiako para-justiziak nota har dezake eta badakigu zer gertatzen zaien para-demokrazia honetan euskal-guay "polIticamente correctoa"k ez diren para-euskaldunei?.
Ez da harritzekoa, gauzak dauden bezala eta AVT bezalako elkarte ultraeskuindar baten eskutik datorren guztia eztabaidarik gabe onartzea espainiar prentsan.
Katumbirekin izan zirenean elkarrizketa egin zion Jabi Zabalak eta honela zioen Chaok Egunkariaren itxieragatik galdetuta: "Fase aluzinagarri batean sartu garela. Batzuetan iruditzen zait fikziozko film bat ikusten ari naizela. Nahi dutena egiten dute eta, gainera, irailaren 11z geroztik denak dira islamista, terrorista... Horrela jarri digute, gurekin edo gure kontra. Bartzelonan ere, okupak ETAkoak ei dira. Prentsa guztiz itsututa dago."
Kurioski, beste elkarrizketa batean Ferminek azaltzen du, besteak beste, ETAren egungo jardueraz duen iritzia:"ETAren ekintzak gelditu behar direla uste dut. Kostu humanoa eta etikoa handiegia da. Beste bide bat bilatu behar da". Hori, noski, berdin zaie El Mundokoei, nahiago dute PPkoei amen egitea.
'Paramilitarrak', militarren ereduetan oinarrituriko talde zibilak diren bezala, 'parapolitikoak' ekintza politiko mozorrotuak egiten dituztenak izango lirateke. Azken batean, onartu beharko duzu Negu Gorriaken kontzertuak ekitaldi musikalak baino askoz gehiago zirela...
Gehiegikeriak? Mesedez...: buru-estalidunak eskenatokian, Espainiako banderak erre, ETAren ikurrak nonahi (eskenatokian ere), kale-borroka goresten zituzten irudiak pantailetan... etabar luze bat. Badakizu, nerabeok 'egoera bidegabe baten aurrean' gorrotoa pizteko eta EH indarraren bidez 'askatzeko' zirikatzen gintuzten. Gazteok limurtzeko salda goxoa, zinez.
Eta bai, garaiko politikariek nahiko 'super-guay'ak izan ziren horrelakoak baimentzen, lau katuen mozolokeriak zirelakoan... Gehiegitxo astintzen dugu adierazpen askatasuna bezalako hitzak, eta hainbestetan errepikatzeaz esanahia ez ote dugun ahaztu galdetzen diot neure buruari.
Denak ez du bailo, hori argi daukat, eta agian Fermin -artista zein pertsona bezala nire begikoa dela aitortu behar dizut- garaiko gehiegikeria horiek ordaintzen ari da. Abiapuntua ez ahazteko, errepikatuko dut: Martin Carpena aukeratu zuenak nahiko baldar ibili zen.
> Gehiegikeriak? Mesedez...: buru-estalidunak eskenatokian, Espainiako banderak erre, ETAren ikurrak nonahi (eskenatokian ere), kale-borroka goresten zituzten irudiak pantailetan... etabar luze bat. Badakizu, nerabeok 'egoera bidegabe baten aurrean' gorrotoa pizteko eta EH indarraren bidez 'askatzeko' zirikatzen gintuzten. Gazteok limurtzeko salda goxoa, zinez.
Aupa hi! orduan marcos subcomandantea barrura burua estalita eramateagatik, globalizazioaren aurkako taldeak debekatuak USAko banderak erretzeagatik, sin-feinnekoak ormara IRAren ikurrak euren mitinetan agertzeagatik, Egunkaria itxita terrorismoaren aldeko kanpaina egiteagatik (ETAri elkarizketa) eta politiko superguayak bukatu dira: gora Aznar eta BUSH!
AH! eta Gasteizko Dato edo Buesa kalean bizi bazara eta ezker abertzaleari ematen badiozu botoa etxetik kanpora...
Mesedez ez nahastu gauzak nik dakidanez Negu Gorriaeko kideek inoiz ez zuten zuk esan duzuna egin, eurek sortu baino lehenago eta zoritxarrez gaur egun jarraitzen duen egoera baten islada besterik ez dira eta uste baduzu zentsura eta indarkeria erabilita bukatuko direla oso nahastuta zaude. Egoera larritu eta areagotu besterik ez dute egingo. edo bestela ez al dituzu Francoren garaiak gogoratzen?
Berriak horrela dio:
Ramon Etxezarretak Muguruzari eginiko «boikota» salatu du
Donostiako Udaletxeko Kultura zinegotzi Ramon Etxezarretak Fermin Muguruzari «egiten ari zaion boikota» salatu du. Abeslariak «jazarpen politikoa jasaten dutenekin» askotan izan duela elkartasuna, eta «terrorismoak sorrarazten duen nahigabeak» ezin dituela beste aldeko ideiak bazterrarazi gaineratu du.
Diario Vascok, aldiz, horrela:
Etxezarreta (PSE) apoya a Muguruza y afirma que el músico es solidario con las víctimas
El concejal de Cultura de San Sebastián, Ramón Etxezarreta (PSE), mostró ayer su desacuerdo con el «boicot al que se está sometiendo» al músico Fermín Muguruza, quien, según dijo, «en numerosas ocasiones se ha solidarizado con afectados por la persecución política en el País Vasco».
Tras dar su apoyo al cantante irunés, a quien han prohibido actuar en Murcia y Málaga junto a Manu Chao después de las críticas recibidas desde la Asociación de Víctimas del Terrorismo, opinó que «como persona que sufre la persecución política», tiene «legitimidad» para pronunciarse sobre este hecho y aseguró que cada vez que él o un compañero suyo se han visto «afectados por este contexto de violencia», Muguruza «ha respondido con numerosos gestos de solidaridad».
Estatutik, musika arloko beste gizon ezagun eta bide luzekoa Fermin Muguruza eta Manu Chaoren alde agertu da publikoki be bai, Lluis Llach musikari kataluinarra hain zuzen be.
Ez gaitu harritzen Kataluniatik holako sostenguak jasotzeak, ohituta bagagoz beste hainbat kontutan euren alkartasuna ikustean (adibidez, "Euskaldunon Egunkaria"ren aldeko alkartasun beroa).
Noz etorriko jakuz Espainia aldetik be Sabina, Victor M.& Ana B. eta enparauak babesa eskaintzen? datozan Madrilgo hauteskundeetaz arduratuegi ibiliko dira horiek, hori bai. Saramago, Silvio,... Oraingo momentuetan ondo egongo zan euren besarkada.
Dena den, geu zelan jokatuko genduan euren lekuetan? Zer egin dogu Imanolen auziagaz?
> Horren atzetik, Murtziakoa ere bertan behera uztea erabaki dute, Udalaren aretoetan Batasunako kide batek ezin omen du eta musika jo.
>
> Sutilki lortu dute, beste behin ere, euskal musikarien ahotsa bozgorailuetatik kanpo uztea. Su ta gar, edo Soziedad Alkoholikarekin gertatu zen bezala. Demokrazia eta Adierazpen askatasunaren izenean.
>
> Bartzelonako kontzertua egin egingo dute Fermin Muguruzak eta Manu Chaok. Azken honek ez du onartu Muguruza gabe kontzertua ematea, Malaga eta Murtziako antolatzaileek nahi zuten bezala. Bejondeiola.
AUPA, FERMIN. KARTA HONEN IDEZ, ZUREKIN EGIN DUTEN INJUSTIZIA ADIERAZI NAHI DIZUT. BERDIN GERTATU DA "EGUNKRIA", AEK, E.A.EKIN, EUSKAL KUTSUA DUEN EDOZEIN GAUZA ETA-REKIN ELKARTUZ. BAINA, ANIMO ETA SEGI AINTZINERA, JENDEA ZURE ALDE DUZU ETA.
/cache/Udako-Ola-2024_1_small_content.jpeg)
> Bartzelonako kontzertua egin egingo dute Fermin Muguruzak eta Manu Chaok. Azken honek ez du onartu Muguruza gabe kontzertua ematea, Malaga eta Murtziako antolatzaileek nahi zuten bezala. Bejondeiola.
Malagako eta Murtziako kontzertuak ez ditu atzera bota Fermin Muguruzak bere webgune ofizialean. Hala ere, nahiko argia da sarrera erosita zuten 14.000 ikusleak aho zabalik geratuko direla. Sarreren dirua jasoko dute, behintzat, bueltan. jasotzeko irailaren 15era itxaron beharko dute.
Seguru Rubiko gazte festetako ekitaldian lehen baino jende gehiago elkartuko dutela. Baietz!