Argazki-kazetaritzaren gaineko I. Jardunaldiak
Euskal Herriko Informatzaile Grafikoen Elkarteak argazki-kazetaritzaren gaineko I Jardunaldiak antolatu ditu irailaren 10etik 12ra bitartean. Ekitaldiak Donostian izango dira Kutxaren Kultura aretoan, 19:30etik aurrera. Jardunaldi hauetan, argazki-kazetarien lana aztertuko da, baita beren lanean dituzten zailtasunak eta beren lanaren funtzioak ere.
Egitaraua:
Irailak 10
Clemente Bernard, free lance argazkilariaren eskutik, argazki-kazetaritzaren gaur egungo egoeraren inguruko konferentzia.
Irailak 11
Mahai borobila: Derechos y límites del periodismo gráfico. Parte hartuko dute:
- Juan Calparsoro, Donostiako Auzitegiko Fiskala.
- Jorge Alkorta, abokatua.
- David Aguilar, EFE agentziako argazkilaria.
- Ertzaintzako kide bat.
Irailak 12
War Photographer filmaren emanaldia. Pelikula honetan, James Natchwey, gerrako argazkilariak, lana nola egiten duen azaltzen da. Dokumental honen aurkezpena Desmond Boyland, Reuters agentziako argazkilariak egingo du.
Ekitaldi guztiak 19:30ean hasiko dira. Era berean, jardunaldiak egiten diren hiru egunetan, aretoko hallean Euskal Herriko Informatzaile Grafikoen Elkarteko kideek eginiko argazkien proiekzioa egongo da ikusgai.
Erantzun
Sartu