Teknologia albisteak

Yahoo-k irentsi du Overture Services bilatzailea

webmaster@goiena.com - Sustatu

2003-07-18 : 15:07

Yahook bilatzaileen aitzindaria eskuratu egin du, astelehenean jakitera eman zuenez. Beraz, hiru enpresa dira nagusi orain bilatzaileen merkatuan: Yahoo bera, Google eta Microsoft-en MSN. Adituen iritziz, laster mugimenduak izango dira merkatu honetan.

Hala, Yahook eskuratu ditu lau bilatzaile, azken zortzi hilabeteetan:

Inktomi 235 milioi dolarren truke.
AltaVista eta Fast Search & Transfer 500 milioiko inbertsio bati esker.
Azkena Overture.

Beraz, hiru enpresen esku dago nagusiki Interneteko bilatzaileen merkatua: Yahoo, Google eta Microsoft.

Hala ere, adituen iritziz, Microsoftek laster erantzungo du, eta horretarako hiru bide ditu:

Overture Googlen bidez ordezkatu.
Bilatzaile txikiagoak eskuratu, esaterako: FindWhat.com, LookSmart edo AskJeeves. Nabarmen egin dute gora konpainia hauen akzioek aste honetan, ustezko interes hori dela-eta.
Bilatzaileetako teknologia bere kabuz garatu.

Informazio gehiago hemen