Testamentu Gutunen V. Lehiaketa

Ondarroako BOLO-BOLO aldizkariak VI. Testamentu Gutunen Lehiaketa antolatzen du. Bost urtez jarraian urtero-urtero antolatu izan dugun lehiaketa hau gero eta arrakasta gehiago lortzen ari da ipuin edo idatzi motzen diziplinaren barruan hain ohikoa ez den gai baten inguruan: testamentu edo agur gutunena.

Gai horri heltzeko orduan, BOLO-BOLOk ez du inolako mugarik jartzen, eta idazle bakoitzaren esku geratzen da gaia zelan jorratu, beti ere testamentu edo agur gutunaren eremu horren inguruan bada eta hurrengo baldintzok betetzen baditu:

Oinarriak:

1.-Idazlanek euskaraz beharko dute izan.

2.-Parte hartzeko ez dago adin mugarik.

3.-Lanek argitaragabeak, saritu gabekoak eta originalak beharko dute izan.

4.-Idazkiek testamentu edo behin-betiko agur gutunaren forma izatea hobetsiko da.

5.-DIN A4 formatoan. eskuz (irakurtzeko moduan), makinaz edo ordenagailuz idatzita aurkeztu beharko dira lanak. Bi orrialde baino luzeagoko lanik ez da onartuko.

6.-Idazlanari izenburu edo lema bat jarri eta goitizenez sinatu behar dira. Datu pertsonalak aparteko gutunazal batean sartu (izen-abizenak, helbide osoa eta harremanetarako telefonoa) eta lanarekin batera bidali behar dira.

7.-Lanak aurkezteko azken eguna: 2003ko urriaren 10a, ostirala.

8.-Lanak posta elektronikoaren bidez edo ohiko posta zerbitzua erabiliz aurkez daitezke, helbide honetan:

Ondarroako Udala.
Azken Agurra Lehiaketa.
Euskara Zerbitzua.
48700 ONDARROA

(bolobolo@euskalnet.net)

9.-Posta elektronikoaren bidez iritsitako lanak, antolatzaileok prestatuko ditugu epaimahaikoei entregatzeko, baina horretan ere partehartzaileei buruzko datuak direla eta, diskrezio osoz jokatuko dugu.

10.-Epaimahaiak bi sari aukeratuko ditu:
- 600 € eta "Bolo" oroigarria, Euskal Herriko lanik onenari.
- 300 € eta "Bolo" oroigarria, Ondarroako lanik onenari. Euskal Herriko lanik onena Ondarroakoa gertatuko balitz, bigarrenari emango genioke 300 €-ko sari hau.

11.-Kultura munduko hiruzpalau adituk osatutako epaimahaia bilduko da eta horrek erabakiko du irabazleak nortzuk diren. Epaimahaikoen erabakia finkoa izango da eta aparte-aparteko arrazoirik ez badago, inork ezin izango du erabakiaren kontra egin.

12.-Sari banaketa: antolatzaileek aldez aurretik eta denboraz besterik adierazten ez badute, 2003ko urriaren 31an, ostiralean (Domu Santu egunaren bezpera), iluntzeko 8:30etan, Ondarroako Kafe Antzokian.

13.-Lehiaketan parte hartzeak arau hauek onartzea suposatzen du.

14.-BOLO-BOLO aldizkariak saritutako lanak argitaratzeko eskubidea izango du, beti ere idazlearen izena aipatuz.