Teknologia albisteak
6

Giri baten bizipenak Iruñeko entzierroan

Erabiltzailearen aurpegia
Sustatu - Sustatu
2003-07-08 : 10:07

Sanferminekin batera giri ugari ere heldu zaizkigu Iruñera. Horietako batzuk entzierroan parte hartuko dute, eta horietako batzuk gorriak ikusiko dituzte ziurrenik. Sarean aurkitu dugu giri batek entzierroan izandako bizipenen gaineko testu bat. Testu horretan, ordea, ez dugu arriskua saihesteko gomendio bat ere aurkitu.

Giriak hala deskribatzen du Iruñea: "Pamplona Espainiako iparraldean dagoen hiri txiki eta katolikoki zintzo bat da. Nonahi aurki daitezke kale estuak eta etxe garaiak, baita uste zenezakeen baino taberna gehiago ere, hiriaren biztanle kopurua kontuan hartuz."

Hala ere, Nafarroakoak ez ditu jaitzat hartzen, ezta oportzat ere, "froga latz bat" baizik.

Hernest Hemingway berriak diosku 15 urterekin korritu zuela lehen aldiz entzierroa (umeen kontu bat izango balitz). Bizi beharrekoa. Ez die inolako gomendiorik ematen bere testua irakurri eta Sanferminetako entzierroan parte hartuko duten bere herrikideei. Bere sentipenak baino ez ditu deskribatzen. Zentzu horretan dio zezenak irten aurretik korrikalarien aurpegietan beldurra eta "alkohola" antzeman daitezkeela.

Noski, bere kontakizunean ez du adarkadetaz, zaurietaz eta heriotzaz hitz egiten. Mugatzen da korrikaldi onak eta txarrak deskribatzera.

Kontakizun hau Kuro5hin izeneko weblogean azaltzen da, egunean milaka bisitari dituena, hain zuzen ere. Artikuluak 100 erantzun baino gehiago izan zituen, eta erantzuleen artean entzierroan korrika egiteko prest zeuden mutil ugari. Ea aurten anbulantzietako lagunek buruhauste gutxiago dituzten...

Erantzunak

sustatu
2003-07-08 : 10:49

> Hala ere, Nafarroakoak ez ditu jaitzat hartzen, ezta oportzat ere, "froga latz bat" baizik.



Eta bai latza dela. Galdetu bestela gaurko lagunari. Larri zauritu du Cebada Gago zezentegiko zezenak adarkadaz.



Lau minutu eta berrogehi segundu iraun du korrikaldiak eta atzera geratutako bi zezenek sortu dituzte korrikalariendako buruhausteak.



Badirudi, larri zauritutako lagunaz gain beste bat ere adarkatua izan dela zezenak zezen-plazara heltzear zeudela.

zakarias aiztierdi
2003-07-08 : 11:42

argazki ederra utzi du gaurko entzierroak: zezena gorriz jantzita, zapia adarrean zintzilik zuela. Behingoz zezenak hartu du zezenketako saria!

Sustatu
2003-07-08 : 13:06

> Noski, bere kontakizunean ez du adarkadetaz (...) > Kontakizun hau Kuro5hin izeneko weblogean azaltzen da


Kasualitatea! Gaur Kuro5hin jausita dago! Atzo kontakizuna helbide horretan zegoela zin egiten dugu.


Bestalde, gaur zaurituak lau dira, hiru adarkadekin: bi estatubatuar eta australiar bat.


Ixuxko
2003-07-08 : 14:12

> Sanferminekin batera giri ugari ere heldu zaizkigu...



Diccionario de la Real Academia Española:



guiri.

Abrev. del vasc. Guiristino, Cristino.

1. m. Nombre con que, durante las guerras civiles del siglo XIX, designaban los carlistas a los partidarios de la reina Cristina, y después a todos los liberales, y en especial a los soldados del gobierno.

2. vulg. Individuo de la guardia civil.

3. Ál. tojo, planta.

Lurra
2003-07-08 : 20:36

sustatu
2003-07-09 : 11:16

Hor dago, gaur bai, Sanferminetako kontaktizuna:


http://www.kuro5hin.org/story/2003/6/30/1340/77029


Erantzun

Twitter ikonoa  Facebook ikonoa  Sartu