Enpresen Sorkuntzako I. Lehiaketa: proiektu berriei bultzada

Helburuak

Caja Vital Kutxako Gizarte Ekintzak eta Araba Enpresa Digitalak enpresa-sortzaileentzako lehiaketa antolatu dute. Lehenengoko edizioa izango da eta bi helburu ditu:

1. Informazioaren gizarteko alderdi berritzaileenekin erlazionatutako enpresak sortzea bultzatzea.
2. Teknologia berrien arloan enplegua sortzen laguntzea.

Enpresa proiektua

Deialdia egoitza Araban daukaten eta sortzekoa den enpresa proiektu bat duten pertsonei zuzendurikoa da. Aldi berean, enpresa proiektu hori garapen fasean egon behar da, eta informazio eta komunikazio teknologietan oinarrituta egon behar du. Lehentasuna emango zaie lan arlo hauei dagozkien proiektuei:

• Interneten ahalak eta informazio eta komunikazio teknologia berrien ahalak aprobetxatzen dituzten negozio eredu berritzaileetan oinarritutako produktuak edo zerbitzuak merkaturatzea.
• Informazio eta komunikazio teknologiak oinarri dituzten produktu eta zerbitzuak merkatura ateratzea. Produktu eta zerbitzu horiek gaindituta izan behar dute ikerketa eta garapeneko aldia, eta merkatuan jartzeko estudioaren fasean izan behar dute.

Bost proiektu sarituko dira

Saritutako 5 proiektuek diru kopuru hauek jasoko dituzte:

1. Lehenengo saria: 9.000 euro.
2. Bigarren saria: 6.000 euro
3. Hirugarren saria: 3.000 euro.
4. Laugarren eta bosgarren sariak: 1.000 euro.

Era berean, Araba Enpresa Digitalaren laguntza jasoko dute. Laguntza hori 6.000 eurokoa izango da, eta ondorengo arlo hauetako bat edo gehiago bideratzeko erabiliko da:

• Proiektua aurrera eramateko lokalak (Araba Enpresa Digitalean edo Arabako Eraberrikuntza Industrialdean).
• Bideragarritasuna aztertzeko eta negozio plana egiteko tutoretzak.
• Produktuaren edo zerbitzuaren prototipo edo maketa funtzionalak sortu eta produzitzea.
• Martxan jartzen laguntzea: bazkide estrategikoak edo finantzetakoak bilatzea eta kudeatzea.
• Informazio eta komunikazio teknologietan eta enpresa kudeaketan prestatzea.
• Lehiaketaren babesleen baliabide propioen bidez, proiektua ezagutaraztea.

Diru sari horiek baldintza hau dute: sustatzaileak negozio ideia aurrera eramatea. Gauzak horrela, antolatzaileek gai horren tutoretza egingo dute.

Epaimahaiaren irizpideak

Hauek izango dira epaimahaiak proiektuak balioztatzerako orduan kontuan izango dituen irizpide nagusiak:

• Ideiaren originaltasuna.
• Dakartzan berrikuntza teknologikoko elementuak.
• Sustatzaileak ideia aurrera eramateko hartzen duen ardura.
• Bideragarritasun operatiboa eta ekonomikoa.
• Enplegua sortzeko ahalmena.
• Informazio teknologiak aplikatzea.

Aurkeztu beharreko dokumentazioa

Lehiaketan parte hartzeko dokumentuak Caja Vital Kutxako Gizarte Ekintzaren bulegoetan (Olagibel kalea, 2-4) eskura daitezke: izena emateko orria eta proposamen eredua dira.

Dokumentu horiekin batera, proiektuaren balio nagusiak jasotzen dituen laburpen exekutiboa aurkeztu beharko da. Txosten hori idatziz ez ezik, euskarri elektronikoan ere aurkeztu daiteke, betiere inprimatuta 30 orrialde baino gehiago ez baditu. Bestalde, proposamenak pertsona fisiko batek aurkeztu behar ditu. Baldin epaimahaiak egoki baderitzo, pertsona horrek proiektua defendatu dezake.

Proiektuaren bi kopia bidali behar dira helbide honetara:

Caja Vital Kutxako Gizarte Ekintza
(Enpresa-sortzaileen Lehiaketa)
Postas 13 -15. 01005 Vitoria-Gasteiz

Dokumentuak aurkezteko epea uztailaren 31n bukatuko da. Epaimahaiaren erabakia jendaurrean jakinaraziko da irailean.

Informazio gehiago www.enpresadigitala.com webgunean aurki daiteke.