Unean uneko eguraldia Sarean

EHKME-k oraindik ez dauka tokian tokiko datuak eskaintzen dituzten estazio mekanikorik, baina lehenbizikoa laster jarriko dute Donostia inguruan. Gero Bermeon, Maulen, Iruñean, Treviñon eta beste herri batzutan estazio bana jartzeko asmoa daukate. Estazio mekaniko bakoitzak webcam bat izango du, irudiak jaso ahal izateko. Proiektu nekeza omen da, baina EHKME-k sare meteorologikoa martxan jartzeko asmo sendoa dauka.

Webguneak eskainiko dituen datuak:

• Unean uneko tenperatura, eguneko altuena eta baxuena.
• Prezipitazio kopurua
• Pello Zabalak tenporen gainean idatzitako atal bat.
• Itsasoaren eta portuen gaineko informazioa.

Webgunea euskaraz dago, eta irailetik aurrera kontsultak gazteleraz eta frantsesez ere egin ahal izango dira.

Proiektu berri honetan aurpegi ezagunak ari dira, besteak beste:

• Jon Albisu: Fundazioko lehendakaria. Geografoa eta fisikoa, meteorologian espezializatutakoa.
• Pello Zabala: Meteorologoa.

Webgune berriaren helbidea www.ehkme.com da.

Oharra: Flash barik ezin da erabili; ezin da lehen orritik pasatu, eta barrura iritsi ezkero ere, ezin dira mapa gehienak ikusi. Hori bai, flash mapa horiek, benetan onak eta deigarriak.