Kale Hacking 03 bihar Bilbon, kale irekian
GNU/Linux, Software librea, Internet Wireless bitartez, Install-party, Hitzaldiak, Tailerrak, Musika, Bideoak, etab. Horixe izango da Kale Hacking 03 bihar, ekainak 28, Bilbon. Kale gorrian, gainera.
Lekua: Unamuno enparantza, Alde Zaharra, Bilbo.
Eguna: 2003ko Ekainak 28, Larunbata. Ordua: Goizeko 11:00ak
Egitaraua:
11:30 Install-party (ordenagailuetan Linux jarri)
12:00 Indymedia orokorrean eta albisteak nola argitaratu
13:00 Software libreari buruzko sarrera
13:30 Librezale.org: Mozilla euskaratzeko lantaldearen aurkezpena
14:00 BilboWireless proiektuaren aurkezpena
Parte hartzeko: Agertu zaitez Unamunon larunbat goizean eta zure galdera guztiak erantzuten saiatuko gara. Eta dena doan noski!
Antolatzen dute Indymedia Euskal Herriak, eta Librezale.org taldeak.
Erantzunak
Osoitz: Librezaleok parte hartu genuen, baina antolaketa...
Eta nola joan zen ekitaldia? egingo diguzu bi parrafoko kronika bat edo?
Librezaleak.org aurkeztera ere gonbidatuko zintuzket. Zuharretik Mozillaren euskaratzearen kontua nola sozializatu duzuen... Baina hori ez erantzunetan, baizik eta artikulu orijinal bezala, merezi du eta.
Luistxo
Saioa, ekintza, antolaketa arrakastatsua orohar.
Gauza berria zen, Bilboko kaleetan inoiz holangorik egin barik... eta jende andana bat bildu zen.
Haririk gabeko konexioekin Internetera eta Bilbowireless sarera konektaturik, Indymedian zuzenean jarri genuen bertako berri.
Eztabaida eta aurkezpenetan jendeak parte hartu zuen, eta hainbat telebistatan oihartzuna ukan du.
Indymediaren urteurrena bide onetik hasi dela ematen du:
Informazio gehiago: Indymedia Euskal Herrian
> Antolatzen dute "Indymedia Euskal Herriak,":http://basque.indymedia.org eta "Librezale.org":http://www.librezale.org taldeak.
Ai Ama! Berandu bada ere zuzenketa txikitxo bat.
Librezaleok parte hartu genuen, baina antolaketa Metabolik BioHackLabekoek egin zuten. (Zesarrena Zesarrari)