Javier Uria hil da, Athleticeko presidentea

Dolua zabaldu da Athleticen, bere lehendakaria, Javier Uria, gaur arratsaldean hil da eta, 43 urte zituela, minbiziak jota. Urte batzuk zeramatzan borrokan minbiziarekin, baina azkenean gaitzak eraman.

1994an Athleticen zuzendaritzan sartu zen, Jose Maria Arrateren taldean. Sasoi batez klubeko lehendakariordea izan zen. Konforme ez, baina, eta utzi egin zuen zuzendaritza. Harik eta 2001ean hauteskundeak irabazi eta taldeko lehendakari bihurtu zen arte.

Harrezkero, Andoni Zubizarreta kirol zuzendari izendatu, Jupp Heynckes ekarri eta buru-belarri saiatu zen Athleticen barne eta kanpo egitura berritzen. Halabaina, ezin izan du amaitu hasitako lana. Minbiziak eraman du.