Euskaraz bidaiatzeko aukera duzu uda honetan
Aurtengo abuztuan Kortsika eta Bretaina ezagutzeko aukera eskaintzen dizugu. 15 eguneko bidaiak jarri ditugu zure esku, autobusez eta kanpinetan lo eginez. Oraintxe duzue euskaraz eta lagun-giro jatorrean oporrak pasatzeko aukera!
Hainbat gazteren lanari eta ilusioari esker sortu zen Kultour Bidaiak 2000. urtean.
Unibertsitatetik irten ostean, turismoaren munduan kokaturiko proiektu bati ekin genion. Turismoa ulertzeko modu ezberdin bat landu nahi genuen, sektore honek daukan eragin globalizatzailetik eta sektore hau mugiarazten duten interes erraldoietatik at.
Hiru urte hauetan gure proiektua finkatzea eta jende ugarik gu ezagutzea lortu dugu; aurrera begira berriz, proiektu mordoa daukagu esku artean.
GURE ESKAINTZA
- Atzerriko norbanako eta taldeendako Euskal Herrian kokaturiko bidaiak: iraupen ezberdinetakoak izan daitezke eta gure herriaren ezagutzan sakontzea dute helburu.
- Euskara ikasten diardutenentzat egun-pasak eta asteburuko irteerak antolatzen ditugu hizkuntza lantzeko prestaturiko bisita eta ekintzekin.
- Udan, autobusez eta kanpinetan lo eginez buruturiko opor bidaiak antolatzen ditugu, euskara delarik hizkuntza nagusia berauetan.
- Kuba ezagutzeko aukera zabala zure esku jartzen dugu, zure bidaia mota aukera dezakezularik
- Ohiko bidaiak: hegaldiak, hotelak, kruzeroak...
Epe laburrean gainera, gure eskeintza guztia edukiko duzu egiten ari garen webgunean.
Gurekin harremanetan jartzeko:
Donostiako Segundo Izpizua kaleko 26. zenbakian topatuko gaituzu. (Grosen dagoen Txofreko enparantzaren ondoan).
Gure telefono zenbakia: 943 29 70 25
Guri idazteko berriz zanpatu hemen
Erantzun
Sartu