Coca-Colaren ordezkoa badator Euskal Herrira. AEBen aurkako kola
AEBek azken urteetan eramandako kanpo-politika eragin negatiboa izaten ari da Coca-Cola bezalako multinazionalengan. Freskagarrien salmentek izugarri egin dute behera Saudi Arabian. Euskal Herrian Kola berria merkaturatuko da laster, Britainian ekoitzitakoa: Ehka. Bidezko merkatua indartzeko ekimen ausarta.
Irango enpresa batek 1954an Zamzam kola merkaturatu zuen. Zamzam Meka hirian dagoen iturri sakratu bat da. Azkenaldian, arrakasta izugarria izaten ari da Saudi Arabian: aste bakarrean ia lau milioi litro saldu dira, Coca-Cola eta Pepsiren kalterako: Mendebaldeko komunikabide batek Zamzam kola salmenten igoera arabiarrek AEBen aurka duten iritziari egozten diote.
Estatubatuarren eta saudiarren arteko harremanak krisialdian daude, eta Coca Cola-ren salmentez gain AEBetako agintariak (politikoak eta, batez ere, enpresarialak) petrolioaren gorabeherak ere arduratzen dituzte. Izan ere, jekeen herrialdea petrolio esportatzaile nagusia da. Urre beltzaren iturri nagusia ixteak Wall Street-en galera handiak eragingo lituzke.
Bidezko merkatuaren aldeko kola gurean
Dagoeneko eskatu daiteke Bretainiako tabernetan hemendik aurrera Euskal Herrian merkaturatuko den kola berria. Bretainian bertan Kan Ar Bed kooperatibak ekoizten duen kolak bidezko merkatua sustatzeko asmo sendoa dauka. Arrosan urtero egiten den Euskal Herria Zuzenean musika jaialdian izango da edari berria dastatzeko aukerarik.
Erantzunak
Coca-Colaren maitale bat da Leo Bassi. Eta Euskal Herrira badator berriz ere kola berriarekin batera-edo. Nik aurrekoan ikusi nuen irailaren 11 deitzen den show-a. Izugarria! Asko gustatu zitzaidan.
- Ekainaren 23an Irunen egingo du emanaldia, La vendetta lanarekin.
- Uztailaren 6tik 14ra bitartean bi funtzio egingo ditu egunero-egunero Iruñean, Instintos ocultos lanarekin.
Leo Bassiren egutegian beste aukera batzuk.
Nola Irakeko gerraren ostean Europan bizi dugun giro bat Ameriketako Estatu Batuen kontrakoa (eta hori ispilatzen da zenbait produkturen aurkako jarreran), hala AEBetan ere kontsumitzaileak ez daude prest erosteko Frantzian, Alemanian eta Kanadan egindako produktuak, azken hauen gobernuak ez zirelako lerratu Bush presidentearekin.
Fleishman-Hillard International eta Wirthlin Worldwide enpresek galde egin diete AEBetako kontsumitzaileei, eta hauek dira ondorioak:
- Galdetutakoen %64k esan dute, argi eta garbi, ez dutela erosiko Frantzian egindako produkturik.
- Hori nahiko ez eta, %29k erabaki du boikota egitea herrialde horretan egindako produktuei.
- Galdetutakoen erdiak baino gehiagok ez du erosi nahi Alemanian eta Kanadan egindako gairik.
- %49k esan du ahaleginduko direla erosten AEBetako, Ingalaterrako edo Espainiako enpresek egindako produktuak.
Alemaniako eta Frantziako adituek ez dute uste joera honek luze iraungo duenik, nahiz eta onartzen duten kalte egiten diela batez ere AEBetara esportatzen duten enpresa txiki eta erdi mailakoei. Adibidez, bada enpresa bat, Fromages.com, zeinak bere irabazien %80 lortzen baititu AEBetan saldutako gaztari esker. Enpresa honek aitortu du bere irabaziak %15 jaitsi direla, Irakeko gerra amaitu zenetik.
AEBetan badira, bestalde, Europako enpresa handiak, Mercedes-Benz edo Danone, esate baterako. Hauek nekez jasoko dute boikot luzea, fabrikak dituztelako AEBetan, eta lana ematen diotelako hango jende askori.
Eta bada beste datu bat, kontuan hartzekoa: Europak egindako inbertsioen ondorioz, 4,9 milioi lanpostu sortu dira AEBetan.
Expansión egunkariak eman zuen honen berri, joan den ekainaren 3an.
Noski hanburgesak gustatzen zaizkidala, eta baita kiloerdiko txuletak ere, baina ezin dut egunero txuletarik jan.
Baina lasai, nire tradizio/euskalduntasun partea beteta dut jadanik:
- Gaztetan bertsotan eta dantzan egin izan dut. Euskal kantak ere kantatu ditut (Urretxindorrak eta Ondarruko nebarreba horienak tartean)
- Argia, Egunkaria eta orain Egunero irakurtzen ditut.
- Herri Irratia, Euskadi Irratia eta Arrate Irratia entzuten ditut.
- ETB1 ikusten dut. (Goenkale, basetxea eta Sintxan, besteak beste)
- Sustatu bisitatzen dut.
- Ikasketak D ereduan egin eta EGA atera nuen
...eta abar, baina nahikoa izango da euskaldun labela lortzeko ez da?
Eta zu? nola konpontzen zara beti euskal fabrikanteen kuleroak/kaltzontziloak, autoa, gurina, esnea, gasolina, bizarra mozteko makinilak, depilatzeko argizaia, eguzkitako krema, bainujantzia eta abar aurkitzeko? Eroskin marka berezi bat dakarte ala?
> Seguru Hanburgesak ere gustura janen dituzula.
Nik bai, behintzat, McDonaldsekoak lotsa gutxirekin. Egin ere bai, haragi pikatua erosita, baina kasu horretan "filete rusoa" deitzen diegu etxean. Nere konfiantzazko harakina euskalduna da, eta saltzen duen okela, ez dakit euskalduna den, baina konfiantzazkoa badela esango nuke.
Amerika handia da bestalde. Hego-Amerikan,
Kolonbian, mongo-mongo izeneko postre bat ere egiten dute. Mermelada pikante samar bat. Oso goxoa.
Jatetxe txinatarretan pasta jatea ere gustatzen zait. Donostian, Bretxako McDonaldsetik gertu dagoen txino batean oso jatorrak dira. Postrerako, eskatu platano errea.
Eta Galiziako jana... zoratzen nau laconak eta olagarroak, albariño apur batekin... Donostian Maruxa gomendatzen dut.
Astigarragako sagardoa ere gustatzen zait. Euskal janariak ere bai: euskal pastela, tripotxak, porrupatatak (ez horrela nahasmahas, jakina).
Luistxo
> Aizu, kakakola, kuriositate apur batez:
>
> ze sistema eragile erabiltzen duzu?
>
> ze nabigatzaile?
>
> emailerako ze programa?
Sustatukoen bidez ikasi nuen bazirela beste programa eta bestelako gauzak Bill-en programez gain. Harrezkero, erabiltzen dut Mozilla. Egia esan, korreoa oraindik lehengo lekutik hartzen dut eta aldatzekotan nago baina nobatoa izanda kostatu egiten zait ordenagailu aurreko hau arrazoizko denbora batean burutzea. PC honetan sartu daitezkeen zomorro pila, edo Sustatun batek esaten zuen moduan "zizare pila" jasaten jarraituko dut momentuz, baina aldatzearen aldeko iritzia daukat eta egingo dut. kostatzen zait baina ez beldurgarri, beraz, ba bai, egingo dut.
Saiatuko naiz azaltzen zergatik ez ditudan ahal dela kontsumitzen ez Coke eta ez bakeroak edo programak, edo...
Egia esan, Santuak Santu egiten dira normalean hil eta gero. Ni bizirik nago eta ni inguratzen nauen eta partaide naizen gizarteak xurrupatuta nauka. Ez dut uste urruti ibiliko zaretenik zuek ere Fernandez, Taxi...
Hala ere, gure aukera zein da dena jatea? ematen diguten guztiari baietza ematea? kultura Amerikanoa, erran nahi baita AEBkoa, kakajakia, kakakola, kakazinea, kaka eta kaka jan eta jan egitea?
Nik aukera bat egin dut. Gutxi kostatzen zait Coke hartu gabe bizitzea, beraz utzi dut nire osasunaren eta poltsikoaren mesedetan.Niri ez dit burukomin handik ematen McDonnals batera joan gabe egon eta albok tabernan bokadilo on bat jatea, nire ez zait asko kostatzen... Beraz, eta ustez o,oooooinfinito1-eko eragina duela jakinagatik ni ez naiz gaizkiago bizi eta ez dut laguntzen kultura hori "sustatzen".
Hori da nire aukera. Zurea inongo burukominik ematen ez dizun aukera hori da (dena tragatzea, "McDonaldsekoak lotsa gutxirekin") eta nireak ere ez dio ez inori kalterik egiten eta niri, esango nuke, on ere egiten didala edo gaitzik ez behitzat. Ez da euskalduntasun kontuagatik. Gehiago da monopolio, kapitalismo, zapaltzaile jende... horren kontra.
Baina aukerak dira besterik gabe. Norberaren izateko aukerak.
Zuretzat Biba McDonalds eta fastfoot! Niretzat Biba alboko harategiko hanburgesa eta afalosteko tertulia.
Zuretzat Biba Coke, niretzat biba Ehka.
Eta mundua beste piska bat aldatzea ezinezkoa dela dioten horiei ba hor 0,0000000infinito1-eko aukera. Horixe baino ez. On dagizuela.
> Bai, nik Coke edaten jarraituko dut. Izan ere, ez dago Coca-Cola hotza botilan muturretik edatea bezalakorik.
Lasai, inork ez dizu debekatuko ta. Ziurraski George Bush eta bere lagunek ziurtatuko dizute edaria Everest puntako txoznan ere edateko aukera.
> Zergatik egin behar dituzte kanpainak Coca-Colaren aurka eta ez Nike, IBM, Marlboro, Lucky edo beste hainbesteren aurka?
Cocacolaren merkatu sektorean sartzea Cocacolaren kontrako kanpaina egitea al da ba? Orduan Pepsi ere debekatu dezatela eta denok edari bakarra edango dugu eta bide batez zergatik ez pentsamendu bakarra izan. Komunitate arabiarrak zergatik ez du ba bere cola bertsioa merkaturatu? Orain gainera antiyankismoa modan egonik aprobetxatu behar etekinak, Cocacolak ez zituen ba azpijoko okerragoak erabiliko! Cocacola amerikarra maite duzuenak gainera, berdin jarraitu ahal izango duzue edaten, eta nahi izanez gero beste aukera bat ere izango duzue, zein txarra den esateko bada ere.
Iturriko ura, Astigarragako sagardoa, Holandar garagardoa, Errioxako ardoa eta Kubako Rona gustora edaten dituen bat. ;-)
Katalanak haserre daude Frantziako McDonalds'ekin menu katalan nahiko espainolista bat jarri dutelako.
Ikusi hori menuori Frantziako McDonaldsen gunean.
Jarraian datorren testua Tribuna Catalana albistegikoa da.
Protestes contra McDonalds per promocionar un menú Cataluna a França, amb
una noia ballant sevillanes i xoriço i gaspatxo com productes típics catalans
Catalunya Nord.
La protesta de diversos col.lectius de la
Catalunya Nord contra la multinacional McDonald's pel nou menú Cataluna ofert
a França en el que s'hi pot veure una noia ballant sevillanes i s'hi inclou
xoriço i gazpatxo com a productes típics catalans, ha aixecat una forta
polèmica. Davant d'això, l'empresa ha optat per retirar la campanya a la
Catalunya Nord. Tal i com encara es pot veure al web de McDonald's de França,
el menú "Cataluna" consta d'hamburguesa de bou amb salsa "Costa del Sol", una
tapa de xoriço i gaspatxo. Segons la multinacional, aquest és el típic menú
català, que s'inclou dins d'una nova promoció de menús especials a França, amb
gairebé un miler de franquícies. Però a la promoció de la campanya hi ha més
errors com el mateix nom Cataluna en comptes de Catalunya. Però el tòpic
que ha creat més malestar és l'anunci televisiu d'aquest mateix menú, en el
qual apareix una noia en biquini, la Rosita, ballant sevillanes amb música
flamenca
de fons.
Iep! Gu alternatiba elkartekoak gira eta proiektu hori eramanen dugu bururaino. Duela sei hilabete hasi girela ehka proposatzen alternatiba gisa; ahal duguna egiten dugu beste sistema ekonomiko bat bultzatzeko; Pepito, ados gira coca cola gelditzea edaten (beraz conpany hiltzailearen sustatzen) ez dela aski. Zuk proposatu besteen (nike, ibm...)kontrako alternatiba bat eta guk segituko zaitugu. Honela denek elgarrekin posible da beste sistema bati ekitea.
> Iep! Gu alternatiba elkartekoak gira eta proiektu hori eramanen dugu bururaino. Duela sei hilabete hasi girela ehka proposatzen alternatiba gisa; ahal duguna egiten dugu beste sistema ekonomiko bat bultzatzeko; Pepito, ados gira coca cola gelditzea edaten (beraz conpany hiltzailearen sustatzen) ez dela aski. Zuk proposatu besteen (nike, ibm...)kontrako alternatiba bat eta guk segituko zaitugu. Honela denek elgarrekin posible da beste sistema bati ekitea.
Aupa! Lehengoan, Herri Urratsen ezagutu genuen guk alternatiba elkarteak bultzatu eta sortutako Ehka produktua, izugarrizko ideia delakoan gaude, bidezko merkataritza sustatzeko ere egokia deritzogu. Horrela jarraitu dezazuela!
Bestalde, iparraldera jotzeko gogo biziz gauden bi neska gara eta Ehkaren produkzioan lanean gustura lagunduko genizueke, hare aldera joan nahi baitegu.
Hala ere, eutsi goiari eta segi gogor.
Ondo bizi.
Bai, nik Coke edaten jarraituko dut. Izan ere, ez dago Coca-Cola hotza botilan muturretik edatea bezalakorik.
Zergatik egin behar dituzte kanpainak Coca-Colaren aurka eta ez Nike, IBM, Marlboro, Lucky edo beste hainbesteren aurka?
Pepito
Coca-cola gustora edaten duen bat.