"Grupo Correo"-ren itxura aldaketa
"Grupo Correo Prensa Española"-ko lehendakariorde José María Bergaretxek aurreratutakoaren arabera, enpresako izen berria Vocento izango da, "indarra eta ekimena helarazten dituelako". Komunikazio-enpresak berak aitortu zuenez, egindako ikerketa batzuk jendearen artean "Grupo Correo"izenak balorazio negatiboa zuen.
Itxura aldaketaren berri jakinarazterakoan "Grupo Correo"-ko ordezkariek ondorengo arrazoiak eman zituzten:
- "Grupo Correo" izena zaharkituta geratu da.
- Ez du enpresaren izaera multimedia erakusten.
- Ez da operatiboa, ezta nazioartekoa ere.
Grupo Correo Prensa Españolako lehendakariorde José María Bergaretxek marka berriaren aurkezpenean ziurtatu zuenez bere komunikazio enpresak informazio "independentea eta egiazkoa" eskaintzen du.
"Grupo Correo" azken urteetan espainiar Estatuan komunikazio munduan izandako kontzentrazioaren bultzatzaile nagusietakoa izan da, komunikabide ugari bere menpe baitaude. Adituek diotenez halako prozesuak negatiboak dira, gizarteak jasotzen duen informazioa homogeneizatzea baino lortzen ez duelako. Azken hilabeteetan boterea eskuratzeko borrokak izan dira.
Dagoeneko Google-n "Grupo Correo"-ren webguneari sakatuz gero izen berria (Vocento) pantailaratuta ageriko zaigu.
Erantzunak
Azala aldatu baina mamia ez, hau da, Madrileko españolzaleenak eta Euskal Herriko españolzaleenak bat egiteko bitartekoa, bide batez dirua irazabiz.
Zuzendaritza eta agintedunen karguen banaketa egin zan eta baita be beste atal batzutan.
Gogoratzeko, Correoko zuzendari Zarzalejos, ABCren zuzendaritzara joan zan, eta horren anai gaztea edo txikia Aznarren gabinetean da lanean, Monkloako gune horretan.
Beraz aldaketa "estrategiko" hori ez da gaurkoa eta beste nonbaitetik dator, eta gizarteko hainbat ataletara be hedatu da, Bankan esaterako.
Bitartean, zoritxarrez Euskal Herrian, irakurle gehien duten egunkariak edo saltzen duten
talde horretakoak dira, Diario "vasco"a eta Correo "español"a.
Logotipoa prestatzeko ia urtebete eta 25 kreatibo behar izan dituztela irakurri dut nonbaiten.
Emaitza ikusirik, ez dakit ba.
Kaxkarra, ezta?