Atxilotua Bergaran hauteskunde egunean

Gaur eguerdiko hamabiak aldera Joxe Mari Etxaniz, 21 urte espetxean egondako bergararra, ertzaintzak atxilotu du herri kandidaturako hauteskunde bozkadun kartelak jartzen ari zela.

Atxiloketa eman den unean 2 lagun zeuden, ertzaintzako 2 dotazio herriko kaleetan azaldu direnean. Identifikazioa eskatu ondoren zuten materiala errekisatu diete eta Joxe Mª Etxaniz, “Bergara Aurrera” herri plataformako 9. hautagaia atxilotu dute.

13:00ak zirenean Bergarako ertzainetxean jarraitzen zuen eta atxiloketa diligentziak betetzen ari dira. Delitu elektorala eta autoritateari erresistentzia eta “errespetu falta” eta “desorden publikoa” sortzea leporatzen diote.

Hurrengo berriak jakinaraziko ditugu.
Harremanetarako telefonoak: 608 48 77 33, 943 76 08 96

Bergara, 2003ko maiatzak 25