EITBren aurkako diligentziak ETAren bideoarengatik, ElMundo.es bitartean...

ETAren joan den igandeko komunikatuaren ondoren, espektatiba handiak zeuden iragarritako bigarren partearen edo hausnarketa prozesuaren emaitzen inguruan. Edukiak espektatiba horiek bete dituen ez dakigu, baina eduki hori publiko egiteko modua, kazetari batzuen aurreko agerraldia, galdera-erantzunekin eta telebistako kamerek grabatuta, bai izan da deigarria. EITB-ren webgunean albistearen bideoa jarri dute, ez ETAren agerraldiaren bideo osoa, editatua baizik, eta kazetarien komentarioekin gainetik. Hemen dago:

http://www.eitb.com/media/asx.asp?id=72406&l=EUS

Gaur goizean, bideoa El Mundo egunkariaren ElMundo.es webgunean ikusi zitekeen, baina eguerdirako kenduta zegoen.

ETAk esandakoaz informazio gehiago, gaur Eguneron

Bistan dago, bestalde, ETAren agerraldi honen inguruan espekatiba handiak zeudela. Atzo arratsaldez, Sustatuzale batek honakoa kargatu zuen gure albistegian... Ez genion pasorik eman ordea...

Nahiko oinarri sendoko zurrumurruek diotenez ETAren gogoeta dagoeneko idatzita dago, hedabideetara jaustear eta bai portzierto, 25 folio ingurukoa omen da eta!!

Al loro Sustatu, hau orain (2003.eko maiatzak 15, arratsaldeko 16:30) argitaratu ezean oso azkar bilakatuko da paper busti. Orain plazaratzeak dauka grazia.

Orain asuntua hain asaldagarria ez balitz, poza edo dezepzioaren arteko marra hain fina ez balitz, Moody´s agentzian apostua jartzea litzateke egokiena.

(A) ETAk nobedadeak dakartza. Pozgarriak alegia, herri honetan behingoz konponbidea desio duenarentzat.

B) ETAk bere hartan segitzea erabaki du eta txasko hori irentsi arazteko txapa izango da komunikatu berria.

Egin apustu, jaun andreok. Nik (A)ren antzeko zeozeren alde egiten dut.

(B) broma pisuegia irudituko litzaidake.