Hauteskunde garaia hasi da
Hego Euskal Herriko zerrenda guztiak lau boletin ofizialetan ageri dira. Eta zerrenda osoak Interneten kontsultatu daitezke jadanik.
Hego Euskal Herriko zerrenda guztiak lau boletin ofizialetan ageri dira. Gipuzkoakoa eta Nafarroakoa kontsultatzen errazagoak dira, dokumentuak web orri arruntezko testuetan daudelako:
Bizkaiko eta Arabako datuak kontsultatzeko, apirilaren 23ko PDF dokumentuak kontsultatu:
Nafarroa
Hamar zerrenda aurkeztu dira Nafarroan maiatzaren 25eko hauteskundeei begira: UPN, CDN, PSN, AUB, Aralar, Batzarre, EA-EAJ, IUN-NEB, Alderdi Humanista eta Alderdi Karlista (EKA). Nafarroako Udalerrietan, berriz, bertzelakorik dago.
Iruñean, hiriburuan, hamabi dira aurkeztutako zerrendak: Yolanda Barcina egungo alkatea buru duen UPN, PSN, IUN-NEB, EA-EAJ, EKA, Batzarre, Aralar, Iruñea Berria, Alderdi Humanista, Falangea eta Frente Español alderdiak.
Aurkezteko aukera eta eskubideak bermatuko diren ikuskizun dago orain. Egia da zerrendak osatzeko nahikoa lan izan dutela alderdi guztiek ere. Eremu euskaldunean, errate batera, alderdi konstituzionalistek zerrenda guti aurkeztu dituzte: UPN Altsasun, Baztanen eta Leitzan aurkeztu da, eta PSN Altsasun eta Baztanen. Badira bertzelako bitxitasun batzuk ere: Beran, errate batera, Beraiñez taldea baino ez da aurkeztu (egungo alkatea buruan dela), eta Etxarri-Aranatzen antzeko egoera da: BAI hautes zerrenda baino ez da aurkeztu. Lesakan hiru dira zerrendak: EAJ-EA, Onin eta Herria Aitzinera plataformak; Donezteben bi: EAJ eta EA; Igantzin bakarra: Herri Taldea, egun alkatetza duen EAJ-EA ez da aurkeztu; Etxalarren orain lau urteko talde berak: EA eta Herri Taldea; Arantzan, Bagara eta EAJ-EA; Baztanen EAJ-EA, UPN, PSN eta Guazin eta Leitzan, EA-EAJ, UPN, Larrain eta Aralar.
Aralarrek Nafarroa osoan 11 zerrenda aurkeztu ditu, bakarren bat bitxia guziz: Altsasu, Antsoain, Atarrabia, Barañain, Berriozar, Burlata, Caparroso, Iruñea, Leitza, Lodosa eta Zizur Nagusian.
Nafarroako herrien tipologia hain da ttikia, gailen, elkarte independenteak direla, batzuk ezker abertzaletik hurbil, UPN ingurukoak bertzeak, edo batek daki zein koloretakoak -edo kolore ugaritasunekoak- bertze zenbait tokitan. Navarraren kolore Nabarrak bozetan agertuko dira. Eskubideak bermatzen badira, bederen.
Erantzunak
Lehengoan idatzi genuenez, debeku saioen egutegian helegiteak ustez EAEko eta Nafarroako Auzitegi Nagusietan aurkeztekoak ziren, baina ez da hala. Jesus Cardenal Espainiako fiskal nagusiak esan du helegiteak ahalbait azkarren Auzitegi Goreneko sala berezian aurkeztuko direla, hau da, Batasunaren ilegalizazioa ebatzi zuen salan.
Ikusi EFE ajentziaren albistea.
Gaur boletin ofizialetan berriro datoz hauteskunde-zerrendak, oraingoan junta elektoralek ontzat emandakoak direlarik. Hauek publiko eta ofizialak direlarik orain, hauen kontra egingo du Espainiako fiskaltzak. El Mundo-k dioenez 300 zerrenda ere debekatu nahi dituzte, eta Espainiako Fiskal Nagusiaren arabera, helegite bakarrarekin beharbada...
Bizkaiko eta Arabako datuak kontsultatzeko, apirilaren 29ko PDF dokumentuak kontsultatu:
Ikusi egin beharko da orain nola aplikatzen den Acebesen datu-basea eta Espainiako agintaritzaren debeku asmoen egutegia zerrenda hauen gainean (ikusi lotura horretan zein epe irekitzen diren).
Baldin eta ezker abertzalearekin lotura duten zerrenda guztiak ezabatzen badituzte hauteskunde harrigarriak izan daitezke. Partidu Popularrak ahalegina egin du bereziki herri askotan presente egoteko, eta eskualde batzuetan herri mordoxka batean, ezker abertzalearen itxura duten zerrendak eta Partidu Popularrarenak bakarrik ageri dira.
Hori gertatzen da adibidez Tolosaldeko zenbait herritan. Alkizan, adibidez, Partidu Popularra eta Alkizako Abertzale Ezkertiarrak aurkezten dira. Bigarren zerrenda hau legez kanpo uzten badute, eta Partidu Popularrak boto bat lortzen badu Alkizan, alkatea Partidu Popularrekoa izango da...