Gaur estreinako ezagutu dut Pendrive bat
Behar bada zuetako batzuk ezagutu duzue baina nik gaur ikusi dut estreinako "pendrive" delakoa. Tresna interesgarri bat.
Neurriz errotuladore zapal (fosforito) horietako bat baino txikixeagoa da eta GB bat bezainbateko informazioa gordetzeko gauza da. Ordenadore batetik besterako datu-transferentzia egiteko balio du.
Muturrean klabija du, ordenadorean entxufatu eta nahi besteko dokumentuak zurrupatzen ditu. Gero, beste ordenadore bati ezarri eta deskargatu. Alde batetik bestera soinean informazio asko eraman ohi duen jendearentzat omen da aproposa.
Errotuladore honek edozein boligrafok duen gakotxa du, bularreko patrikan esekitzeko modukoa. Arazo bakarra, behar bada, edozein boligrafo bezain erraz galdu daitekeela...
Amatiño
Pendrive bat nolakoa den ikusteko, hemen.
Erantzunak
Kaixo.
Nik orain dala urte ta piko ezagutu nuen. IMHko lankide batek (Paco Navarro) erakutsi zidan.
Nik sarritxan mugitzen det informaziua alde batetik bestera, lanetik etxera, etxetik lanera, ..., eta ordurarte CDak grabatzen ibili behar. CDak nahiko azkar grabatzen dira, baina horretarako lehenengo datuak grabatzailea duen ordenagailura pasa behar, gero txanda hartu, ...., azkenean ez da guk nahi bezain azkarra.
Sistema hau aldiz oso azkarra da. Behar den klabijan entxufatu eta listo, prest daukazu. Sistemak disko gogor bat bezala ikusten du, eta datuak oso azkar mugitzen ditu.
Guzti hau ikusita, uztailean animatu eta 64MBeko bat erosi nuen ( orain 128koa prezio berdinean dago), eta egixa esateko, ondo aprobetxatutako inbertsioa izan da.
Orain dela pare bat hilabete, beste irakasle bat etorri zitzaidan kezka bat azaltzera: Gure ikasleak gero eta fitxategi handiagoak sortzen dute euron lanetan, batez ere CAD sistemak erabiltzen dituztenean. Plano batek mega dexente jaten ditu, eta disketeekin ibiltzeak arazo asko sortzen ditu. Irakasle hau aztertzen ari zen ea komenigarrixa izan litekeen ikasleek honelako sistemak erabiltzea disketeen ordez.
Oso lagungarria gertatu zitzaidan orain dela hilabete edo, Code&Syntax enpresara joan nintzenean. Gure web berria egiten lagundu digute (http://www.imh.es ) , eta goiz bateko bilera egin ondoren, web-ean egindako aldaketak eraman behar nituen. Mega dexente ziren, baina oso azkar pasatu genituen bere ordenagailutik nire pendrive-era.
Nik uste det aspaldixan ikusi dudan tramankulo ederrenetakoa dela.
Ondo ibili.
Pedro Arreitunandia.
Ez ote murritzegia mega hori? Palm xumeenak ia bi mega dauzka, bertan idazteko ahalmena ematen dizu eta ordenagailuekin konpatiblea da. Tamaina berriz, "kit kat" txokolatina baino txikiagoa da.