Amodiozko gutunen lehiaketa
2003-04-15 11:04
Villabonako Udalak eta Larramendi Bazkunak amodiozko gutunen lehiaketa jarri dute abian. Bosgarren urtez antolatu da txapelketa. Mezu honekin parte hartzera animatu nahi dugu. Atera ditugun oinarriak Sustatura bidaltzen ditugu.
AMASA-VILLABONAKO V. amodiozko gutunen txapelketa
OINARRIAK
- - Lehiaketa honetan 1986an edo lehenago jaiotako edozein pertsonak har dezake parte.
- - Lan guztiak argitaragabeak eta euskaraz idatziak izan beharko dira.
- - Lanek gutun forma izan beharko dute eta din A-4 orritan eskuz zein makinaz idatzita aurkeztu ahal izango dira. Lanen luzera ezin izango da bi orrialdetik gorakoa izan.
- - Lanean ez da egilearen daturik jarriko, soilik lema bat. Egilearen datuak (izen-abizenak, adina, telefonoa, helbidea eta lanaren lema) kartazal itxi batean sartuko dira eta kartazal horren azalean lanean jarri den lema bera jarriko da.
- - Lanak eta egilearen datuak dituen kartazala beste kartazal handiago batean sartuta, honako helbide honetara bidali beharko dira: Manuel Larramendi Kultur Bazkuna, Kale Berria, 47-3 esk., 20150 Amasa-Villabona. Horretarako azkenengo eguna 2002ko urriaren 15a izango da.
- -Sariak honako hauek izango dira:
- 1.go saria: 300 euro.
- 2. saria: 200 euro.
- Villabonatar onenarentzako saria:175 euro. - - Sari-banaketa urriaren hogeita bostean egingo da, giroak eskatzen duen beste ekitaldiren batekin batera.
- - Lan guztiak Manuel Larramendi Kultur Bazkunaren esku geratuko dira, eta osorok zein zatika argitaratzeko aukera izango du, beti ere egilea zein den garbi adieraziz.
- - Leihaketaren epaimahaia literatura eta kultura munduko pertsonek osatuko dute.
Erantzunak kargatzen...
