Destino Bilbao: denon diruaz eta erdaraz
Atzoko Deiak zekarren, "Carta a un amigo-Lagun batentzako eskutitza" ekimena abiarazi zutela, Bilbo hiria famatzeko. 15.000 euroko saria nagusia dauka, goxoki ederra inondik ere. Eta zehaztasunen bila, kontu susmagarri zenbait topatu dut.
Aipatu www.destinobilbao.biz helbidean dago informazioa. Sei ataletan bereizita dago, goian Bizkaiko Foru Aldundiaren mantxeta eta guzti. Bada, webgune osoa erdara hutsean dago, aipatu lehiaketa salbu (eta hor ere, Bilboren gaineko aipuak erdaraz dagoz). Jendeari eskatzen zaio Arquitectura-Bilbainismo-Deportes-Gastronomía eta Humor ataletan iritzia ematea.
Bigarrenean adibidez, bilbotar onaren ezaugarriak aipatzeko eskatzen da... tira, patetikoa esanda labur gelditzen gara.
Bilboko hotelek abiarazi dutela kontuan izanda, baina Aldundiaren laguntza dauka aitzitik, pentsatzekoa da zeren bila dabiltzan. Bilbo hirira etortzera animatzeko, lagun bati egindako gutunak eskatzen dituzte, eta sekulako sariak eman ere bai. Publizitate kanpaina baterako-edo erabilgarri den lema ere eskatzen dute. Baina hizkuntzari buruz hitz erdirik ez. Ez eta epaimahaikide nortzuk izango diren ere. Eta herri honetan egindako esperientziak ikusita, susmoa dut sari guztiak erdaraz izango direla, txikikeriaren bat salbu agian, eta ez mezu gehiago daudelako hizkuntza horretan, ezpada epaimahaikideek eurek ere euskararik jakingo ez dutelako!
Aurretiaz dudan susmoa da, gustura aitortuko nukeena oker nenbilela, baina denon diruz lagundutako kontu honi hartzen diodan usaina...
Erantzunak
Aipaturiko web orrialdean izan naiz eta atsekabez egiaztatu dut ulertezina iruditzen zaidan hanka sartzea.
Berri hau irakurtzen duen oro animatzen dut bertan agertzen den e-mail-era, dbilbao@destinobilbao.biz, bere gaitsezpena adiera ematera. Nahikoa da 'Asunto'-an "Bilbo eukalduna ere bada !" edo antzekorik jartzea.
Kanpoan ezezik etxean ere euskara baztertzen duen agintaririk besterik ez genuen behar...
Berdintasunean bizitzeko eskubidea daukagu, ta erdera hutsean ez dau berdintasunik.
Errespetua da falta dana, ta errespetu barik ez goiez inora bez.
Ta beno, izenak izen albo batera utzite, danak gara lurtarrak, ta gu ez gara ezerren jabe, amalurran seme-alabak baño ez. Askotan entzuten eta ikusten dogu jendea lur sail batzuengatik elkar hiltzen direla. Bizitza bakarra da, ez gara berriro sortuko ez jaioko. Oso egoera bitxian agertu ginan, ta handitasun hau sapustea...
En fin, esaten nebana, errespetue ta berdintasune.
/cache/Udako-Ola-2024_1_small_content.jpeg)
Badakigu Bilbon alkate abertzalea daukatela, beraz ez kezkatu, euskarazko atala jarriko dute.
Aurreko astean, EAEko hiru alkateei elkarrizketa bat egin zieten Grupo Correo-ko telebistan. Azkunari galdetu zioten ea zer pentsatzen duen Donostiari buruz, eta zer erantzun zuen: "Pues que como es una ciudad que está muy cerca de Francia,..."