Txokolartek antolaturiko kamixeta diseinu lehiaketa online
Txokolarte Grafika Taldeak martxan du "Tx-Shirt Konpetie" kamixeten diseinu lehiaketa. Diseinuak-eta jarri behar dira webgunean bertan edo e-postaz bidali.
Tx-Shirt Konpetie diseinu lehiaketa hontan partehartzea dohain da eta nahi adina diseinu bidali daiteke. Bidalitako diseinu guztiak jarriko dira weborrian. Partehartzeko egin beharreko gauza bakarra diseinu bakoitzeko gutxienez bi irudi bidaltzea da. Irudi hoiek lehiaketarako jarritako baldintzak bete beharko dituzte.
Diseinuak Apirilaren 25 arte utzi ahal izango dira Txokolarte Grafika Taldearen orrian edo txokolarte@txokolarte.com helbidean. Ondoren hautaketa prozesua hasiko da eta diseinu irabazlearekin 100 kamixeta editatuko dira. Paperean ere egingo da diseinu irabazlearekin edizio bat.
Ikusi galerian dagoeneko utzitako diseinuak.
Erantzunak
Horrela diote arauek bai! M.K. Baina arauetan baita ere esaten da ondorengo hau Hala ere, irudiren bat erabiliz gero, ahal den moduan artistaren izen/ezizena agertzen eta hau jakinaren gainean jartzen saiatuko da Txokolarte.
Txokolarten arau hauek idaztean egin dugun pekatua da ez jartzea zelako izaera dugun. Ez dugu inolaz ere, zuk diozun bezela, kamixetak masiboki egiteko asmorik. Sariak agintzen duen 100 kamixetak egiten ere nahiko lan izango dugu, Txokolarten ez zaigu dirurik sobratzen eta proiektu berrietarako ez dugu krediturik eskatzen gero dirutzak egiteko asmoarekin, hor ibiltzen gara beti subentzioen atzetik ekintza kulturalak antolatzeko.
Zuk aipatutako arau hori, inork bere irudia erabiltzeagatik denuntzia bat jar ez diezagun dago idatzirik. Ez baita lehen aldia izango besteren irudia erabiltzeagatik horrelako gauza bat jazotzen dena. Gure weborrian kamixeta hoietan aurkezturiko irudiren bat erabili dezakegula gerora ere pentsatu dugu, eta irudi hoien erabilpenarekin arazorik ez izateko dago idatzia esan bezala araua. Baina asmoa ez da inolaz ere irudiekin kamixeten enpresa bat montatu eta besteen diseinuekin aberastea. Diseinuak egiteko gaitasuna badugu oraindik zorionez!!
Beno ba! mila esker M.K.! zure erantzunari esker arauak piskat aldatu ditugu eta gauzak argiago gera ditezen lagundu diguzu.
Dudarik ez, intentzio onenarekin jarri duzuela balditza hori, eta ez zaretela aberastuko.
Baina normalean horrelako lehiaketetan (argazkilaritza, jaietako kartelak edo logotipo diseinua dela) honen antzera konpontzen dute arazo hori:
"Epaimahaiko erabakia hartu eta astebetera jaso ahal izango dira saritu gabeko lanak halako eta halako lekuan"
Honi esker adibidez, nire kamiseta diseinua (nire lana) beste nonbaiterako aprobetxa dezaket.
Ondo irakurri dut baldintza hau?
Lehiakideak, parte hartzen duen unetik, bidalitako irudiak nahi eran erabiltzeko baimena ematen dio Txokolarteri.
Beraz, Txokolarte dohainik jendeak bidalitako diseinu mordo baten jabe bihurtuko da, nahi beste kamiseta egiteko, berdin dio diseinuak galdu ala irabazi.