Fonataria: euskararen hotsak webgunean

Apurka-apurka osatzen eta betetzen joan dira informazio hau eta orain sailkatua ageri da fonatari.org gunean 2 urtean ibili dira jaso eta jaso. Berbak, aldaerak... osatzen doan atarian.

Konplexua da lana. Gainontzeko unibertsitateekin harremanetan daude momentu honetan. Kanpoko unibertsitateekin ere egin gura da elkarlana. Horretarako, diru laguntzak behar direla esan dute arduradunek. Etorkizun hurbilean Europako hizkuntzak lantzeko asmoa dago eta gero ikusiko da zenbateraino zabaldu, izan ere diaspora ere hor dagoela gogoratu dute.

Adituei zuzendutako gunea da, baina balio du edozeinendako ere. Besteak beste, euskalkiak ezagutzeko balio du eta baita ahoskera ezagutzeko ere Rosa Mari Pagolak esan duenez. Webgune hau, beraz, akustikoa ere bada eta etorkizunean bada nahia artikulatiboa izateko ere.

Sei ataletan banatuta dago gunea:

• Euskara: zer den, mapa, hiriburuak, biztanleak...
• Euskararen hotsak: Atal honetan euskararen hotsen azterketa akustiko zehatza aurkezten da..
• Fonetikarako dokumentu basea: Euskal fonetikari buruzko dokumentu eta lan interesgarriak biltzen ditu.
• Ahoskerak Fonatarik euskararen grabaketa bildumak eskaintzen ditu.
• Kideak: FonAtarik foro begiztatu bat dauka. Bertan zure iritzia eman, eztabaida interesgarriak proposatu edo beste kideen laguntza eskatzeko aukera eskaintzen dizu.
• Berriak: Sortzen diren berriez, estekez eta adierazgarriez osatua.