Euskarabila ipuin erotikoen 8. lehiaketa

Oinarriak:

1.-- Lehiaketa honetan 1987an edo lehenago jaiotako edozein pertsonak har dezake parte.

2.- Lan guztiek argitaragabeak eta euskaraz idatziak izan beharko dute.

3.- Lanek ipuin erotikoak izan beharko dute eta DIN A-4 orritan makinaz tarte bikoitzean idatzita aurkeztu beharko dira edo ordenagailuz 2500 karaktere hutsuneak barne. Lanen luzera bi eta hamar orrialde artekoa izan beharko da.

4.- Lanean ez da egilearen daturik jarriko, lema bat soilik. Egilearen datuak (izen-abizenak, adina, telefonoa, helbidea, eta lanaren lema) karta itxi batean sartuko dira eta gutun horren azalean lanean jarri den lema bera jarriko da. E-postaz bidalitako lanen kasuan, ipuina fitxategi batean bidaliko da "ipuina" izenarekin eta egilearen datuak "egilea" izeneko beste fitxategi batean.

5.- Lan orijinala, hiru kopia, eta egilearen datuak dituen gutuna beste gutun handiago batean sartuta, honako helbide honetara bidali beharko da:

EUSKARABILA IPUIN EROTIKOEN 7. LEHIAKETA
Euskarabila Elkartea, 146 p.k.
48970 BASAURI
e-posta: euskarabila@topagunea.com

Honetarako azken eguna 2003ko apirilaren 25a izango da.

6.- Sariak honako hauek izango dira:

Lehenengo saria: 370.00 euro
Bigarren saria: 250.00 euro
Basauriko onenarentzako saria: 190.00 euro

7.- Sari ematea irabazleak bertan direlarik egingo da. Non eta noiz izango den aurrez iragarriko da.

8.- Lan saridunak Euskarabila elkartearen esku geratuko dira eta osorik zein zatika argitaratzeko aukera izango du, beti ere egilea nor den garbi adieraziz.

9.- Lehiaketaren epaimahaia honako hauek osatuko dute: Miren Agur Meabe, Ixiar Rozas eta Julen Gabiria.

10.- Euskarabila elkarteak oinarri hauetan edozein aldaketa egiteko aukera izango du, beti ere publikoki adieraziz.