Hitzaldi-eztabaida: Une bat Egunkariaren alde
EHUko ikasle, irakasle eta langileok Euskaldunon Egunkariaren itxieraren aurrean, hiru puntuko adierazpen bat egin dute. Gainera, martxoaren laurako hitzaldi-eztabaida antolatu dute. Egunkariako zuzendaria ere izango da ikasgela nagusian.
(Azken ordua 11:20) Txema Auzmendik ez du gaur deklaratuko eta ezta Egunkaria sortzen SLk ere.
Ondorengoa da idatzian azaldu dutena:
- Itxiera adierazpen askatasunaren aurkako erasoa izan dela, 13 urtetan menpekotasunik gabeko kazeta dela erakutsi du Egunkariak eta askotariko gizarte-sektoreak barneratu ditu.
- Euskararen aurkako eraso larria izan dela, munduan euskaraz argitaratzen den kazeta bakarra dela kontuan izanik; itxierak hizkuntza horren plazaratzea mugatu du.
- Irakurleon eskubide eta askatasunen aurkako erasoa dela, Zuzenbideko Estatu sozial eta demokratiko batek aurreikusten dituen gutxieneko bermeak urratu dira.
Horregatik guztiagatik, elkartasuna azaltzen diegu atxilotuta jarraitzen duten Egunkariko langileei eta diru-iturririk gabe geratu diren kazetariei.
Hitzaldi-eztabaida
Leioako ikasgela Nagusian izango da Martxoaren 4an, goizeko 11:00etan. Mariano Ferrer, Julio Ibarra eta Martxelo Otamendi izango dira. El Correoko zuzendariren bat ere egotekoa ei da. Ez dugu jakin oraingoz izenik.
Bihar martizena, martxoak 4, Leioako Kanpusean izango den hitzaldiaren izenburua "Adierazpen askatasuna, informazio eskubidea: egunkariaren itxiera" da. Ikasgela Nagusian izango da, goizeko 11etan. Hitzaldi-eztabaida honetan egongo dira: Martxelo Otamendi, Mariano Ferrer, Julio Ibarra, Maite Ubiria (Gara), Juanjo Baños (Deia) eta Correo taldeko zuzendaritza batzordeko kide bat. Teresa Toda izango da berriz moderatzaile lanetan.