AEK jarriko dute jomugan berriz?
AEK-ko fondoen desbideratzea ikertzen ari dira. Ikerketa judizial batek dioenez, ustez fondoak desbideratu dira ETAk militanteei. Bai iheslari direnei bai detenituta daudenei. Berriro ere egoera errepikatuko da?
(Azken ordua 12:40) AEK-k gezurtatu egin du eta baita Sustatura ohar bat bidali ere.
Ihes eginda eta detenituta dauden ETAko kideei dirua bidaltzea omen da kontua Terrako berri honetan agertzen denez.
Berrian, berriz ere nahasten dira Euskal askapenerako nazio mugimendua (ENAM) eta sindikalismoa, kultura... Esaten da baita ere berri horretan, noski "al parecer" gehittuta fondoak desbideratzen direla AEK-ko hainbat bulegotatik.
Jarraitzen du esaten eta bide batez, askotxotan gertatzen ari den moduan Euskadiko haziendak ikerketa rutinarioak bakarrik egin dituela. Badakizue, berriz ere dena nahasian.
Ez dakigu, beraz, hainbestetan irakurtzen den berri horietako bat den edo honek zer esan nahi duen. AEK jarriko al dute berriz ere jo mugan? Oraindik ez ditugula denak ikusi esan dute hainbat iritzik...
Erantzunak
AEK-REN PRENTSA OHARRA:
Prentsarako ohar honen bidez AEK-k (Alfabetatze Euskalduntze Koordinakundea) zera salatu nahi du:
Gaur, hilak 27, TERRAren web orrian "Se investiga a la coordinadora del euskera AEK por desviación de fondos" izenburupeko artikuluak AEK ikertua dela eta aurki delako ikerketa juridikoa publiko egingo dela aurreratzen du.
Artikuluaren berri izan bezain laster AEKren prentsa bulegoa harremanetan jarri da web orriaren sail horretako ("Actualidad"-"Confidencial") arduradun batekin. Batetik, hiru urte luze badirela AEK ikertua izan zela eta ikerketa horren ondorioz ezarri administrazio judizialaren eta kontuen interbenitzearen ostean, AEK inolako delituren erantzule den arrastorik ez zela aurkitu eta ez AEK ezta AEK-ko kiderik ez dela prozesaturik argitu zaio (horrela adierazten duen Baltasar Garzonen 2002ko abenduaren 24ko autoa gogoraraztearekin). Bestetik tamainako informazioaren jatorriari eta oinarriari buruz galdetu egin zaio. TERRAko arduradun horren esanetan "Confidencial" delako sailean zurrumurruak(sic) jaso besterik ez dira egiten, eta informazioaren gaineko azterketarik ez da egiten. Horrela, TERRAko web orritik informazioa kendu egingo dutela esan digute.
Ordu erdiren buruan web orriaren azaletik kendu egin dute baina sailean ostera ere bere horretan zirauen. Bigarrenez deitu zaie AEKren prentsa bulegotik. Dena kentzeko lanetan ari zirela baina informazioaren emaleari komunikatu nahi ziola lehenago eta ordu erdiko tartean berri hori desagertu egingo zela adierazi digu arduradun horrek. Ez da hala gertatu.
Honenbestez, TERRAn argitaratu den informazioaren aurrean AEK-k honako hau adierazi nahi du:
TERRAko arduradunei horrelako "zurrumurruei" leku egitean erakunde baten irudiari egiten dioten kaltearen erantzule egiten die AEK-k, eta etika periodistikoaren guztiz kontrakoa den jokabidea dela salatzen du. Lau urteren bueltan ustel hatsa darion berria zabaltzeak AEKren irudia are gehiago kaltetzea beste helbururik ezin du izan. TERRAko arduradunek beraien iturriei eta albisteei arreta eta informazioen subjektuei errespetu handiagoa erakutsi beharko lizkiekete.
Bestalde, euskararen, euskalgintzaren eta euskaldunon aurkako eraso burubakoek etenik ez eta inoiz baino larritasun handiagoz ematen ari diren honetan, AEK-k euskal gizarteari eta euskalgintzari, euskaldunok pairatzen ari garen jazarpenaren aurrean, gure euskararen aldeko lanean kementsu, tinko, eta ilusioz erantzuteko konpromisoa berresten dio elkarlanerako deia luzatzeaz gain.
AEK-REN NAZIO BATZORDEA
/cache/Udako-Ola-2024_1_small_content.jpeg)
UPN ere ildo beretik. Euskara balorazio puntuetatik kendu egin nahi du alderdi espainol horrek. UPNk erabateko gehiengoa behar du, 14 boto, baina oraingoz 12 ditu. Lagunduko diote?