Bi ordu eta erdiko atzerapena Egunkariako atxilotuen auzian
Bi ordu eta erdiko atzerapena oraingoz. Luze joko duela ez dago dudarik, beraz. Bitartean, lankideak eta senideak zain. 10:00ak ingururako epailearen aurrera eramanak zeuden hamar atxilotuak. Guztiz inkomunikatuta jarraitzen dute.
(Azken ordua: 16:10) Pello Zubiria buruaz beste egiten saiatu da. Gregorio Marañon osasun etxera eraman behar izan dute eta inkomunikazio egoera jarraitzen dute hamar lagunek. Pellok duen gaixotasunak gehiago jakitzeko berak antolatutako webgunean.
(Azken ordua: 15:20) Hasi dira deklaratzen hamar atxilotuak. Joxemi Zumalabe eta Joseba Jakaren kontuetan ere ari dira inbestigatzen. Abokatuek protesta egin dute autoa lehenago jaso ez izanagatik eta lana egiteko izan dituzten oztopoengatik.
(Azken ordua: 13:20) Ez daude auzitegi nazionalean oraindik hamar atxilotuak. Deklarazioa hasi aurretik gauzak argitzeko daude. Itxiera agintzen duen autoa ez dago oraindik Egunkariakoen eskuetan. Langileak eta senideak 2 autobuskada daude Madrilen. Inma Gomilak egin du deklarazioa.
Guztiz inkomunikatuta, izan ere atxilotuek ezin izan dute konfidantzako defentsa abokatuarekin harremanik izan. Deklarazioa hartzean ere ezin izan dute bertan egon.
Familiartekoak eta bertaratuko lankideak gero eta urrunago bidali dituzte, Castellana pasealekurain, hain zuzen. Taldean geldi egoteko debekua jarri diote gertutik jarraitzen dieten poliziek.
Bestalde, errespetua eskatu du Lekuona zuzendari ordeak. Dei berezia egin die Estatuko kazetari guztiei lana ofizioak eskatzen duen moduan egiteko.
Martxelo Otamendi, Egunakariako zuzendariaren arrebak esan duenez, animoak badaude, beharrez egon ere. Orain behar dena da hamar euskaltzaleak gurekin Euskal Herriratzea eta Egunkaria lehen zegoen egoerara ekartzea. Ez digute audientzia nazionalera hurbiltzen ere uzten. Karnetak kentzen ari dira eta poliziek diotenez, gure seguritaterako bidaltzen gaituzte urrun, gainera.
Ba al da norbait informazio hori konfirma dezakeena?? Garan eta beste hedabideetan begira ibili naiz, baina ez dut saiakera horri buruzko beste daturik aurkitu...